ديڤيد ويصا
ولقيت ان فيه بنتين في الكتاب المُقدَّس ..
اتقال عنهم انهم مُباركين في النّساء ..
أو بلغة أبسط: يا بختهم دونًا عن كل البنات ..
واحدة في العهد القديم، وواحدة في العهد الجديد!
ياعيل!
مكانتش من شعب إسرائيل، لكن كانت من قبيلة حما موسى ..
وكان وقتها شعب إسرائيل مُستعبَد ل "يابين" ملك كنعان ..
قتلِت "سيسَرا" رئيس جيش "يابين" ملك كنعان وعدو إسرائيل ..
وعشان عملتها البطوليّة دي، قالت فيها "دَبورة" قصيدة ..
و"دَبورة" كانت قاضية ونبيّة في إسرائيل، وقالت عن "ياعيل":
"تُبَارَك على النساء، ياعيل" (آ٢٤)
لأن سيسَرا "(تحت) رجليها انطرح، سقط.. مقتولًا" (آ٢٧)
مريم!
كانت من شعب إسرائيل، من سبط يهوذا ..
وكان وقتها شعب إسرائيل مُستعبَد لروما ..
كانت حامل في طفل، اتقال عنّه انه:
هيخلّص شعبه من خطاياهم (مت٢٢:١)
وبسببه، سحَق أكبر عدو للبشريّة ..
مش قائد جيش كنعان زي "سيسَرا" ..
لكن "إبليس" (عب١٤:٢)
واللي الرب يسوع سحَقُه تحت رجليه (تك١٥:٣)
زي ما سيسَرا اتسحق عند رجلين "ياعيل" ..
وعشان كده، قالت "أليصابات" في مريم قصيدة ..
وقالت عنها:
"مُباركةٌ أنتِ في النّساء" (لو٤٢:١)
وبين ياعيل ومريم ..
يفضل الرب بيعمل بنساء، زمان ودلوقتي ..
ويفضل من خلال أمانتهم يسحق أعداء ..
مش بالضرورة بحرب وسلاح وقوّة صوتها عالي ..
لكن ممكن بتقوى وصلوات وأمانة وطهارة وقداسة ..
وتفضل شهادة الله عنهم "يا بختكوا بين كل البنات"!
