كتب - محرر الاقباط متحدون
أشاد الليبرالي احمد عرفات بالفنان شريف منير، لدعمه ودفاعه عن ابنته أسما بعد حلق شعرها ، حيث تعرضت لحملة تنمر .
وكتب عرفات عبر حسابه على فيسبوك :"الفنان "شريف منير"، لما طلع يتكلم على بنته أسما بعد التنمر وقلة الأدب عليها بعد ما قصت شعرها قال : ايه الضجه اللي انتوا عاملينها دي اوعوا تفتكروا اني ممكن اجي على بنتي عشان اكسب رضاكم، دي بنتي اللي مليش غيرها واللي بحبها، وبالمناسبة اللوك اللي عملته عجبني، بس قبل ما اللي بيهاجموا يقولوا بتعمل كده عشان تريند أو أبوها معرفش يربيها. لا أنا بنتي متربيه كويس. بس هي بتتصرف باللي حاسه بيه والمهم انها متكونش بتأ*ذي حد. بنتي عندها 36 سنة وأم وعندها بنوته ومسئولة عن نفسها. أنا أب مسئول احميها لكن هي حُرة في تصرفاتها. وبكرر تاني اسما انتي شكلك حلو وزي القمر. متسمعيش ومتهتميش لكلام حد وأنا مش مهتم بالكلام اللي بيتقال عليا او عليها. المهم ان احنا مبنضرش حد.
واختتم عرفات :" برافو يا شريف. ردة فعل جميلة الحقيقة.
