د. أمير فهمى زخارى
عندك طريقتين للشبع:
الطريقه الأولى:
حضرتك تفضل تاكل وتاكل لحد معدتك ما تمتلئ بالأكل لحد معين وبعدها تفرقع.. فيبعت إشاره الى مركز الشبع فى المخ ويقوله كفايه كده والا هتموت..
هل ده شبع ... طبعا لا.... ده شعور بالامتلاء.. بمعنى حضرتك شبعت بالامتلاء..
الطريقه التانيه:
اكلت كميه صغيره من الأكل والأكل نزل الى الأمعاء حصل إمتصاص جزئى فيرسل رساله الى مركز الشبع فى المخ ويقوله كفايه كده...
هاقولك مثل بسيط عن الطريقه التانيه..
حضرتك بتتغدى وجالك تليفون ، قمت ورديت على المكالمة لمده ربع ساعه.. أتحداك لو رجعت للأكل تانى وأكلت ... لأنك ببساطه شبعت بالطريقه التانيه وهى الإمتصاص بدلا من الطريقه الأولى وهى الإمتلاء...
خلاصه الكلام:
- أغلبنا يأكل حتى الإمتلاء وليس الشبع بالإمتصاص ، وهذا نتيجة أنك لا تعطي المخ فرصة لإرسال الإشارات العصبية بالشبع، فتستمر في الأكل حتى الإمتلاء، فتمتلئ المعدة عن آخرها، وبالتالي يسبب ذلك زيادة فى الوزن، نصيحتى تناول الأكل ببطء وليس على عجل.
- أن الحل هو التقليل من الأكل في الوجبة، وعدم الأكل سريعا، وأخذ وقت في المضغ، وبعد نص ساعة ستشعر أنك فعلا لا تحتاج أن تأكل وتشعر بالشبع.
- ما علاقة مشاهدة التليفزيون والاحساس بالشبع؟
نصيحتى عدم مشاهدة التليفزيون أثناء الأكل لأنه يؤثر ويقطع إشارات الشبع المرسلة، وبالتالي تأكل أكثر وتتجاوز مرحلة الشبع إلى مرحلة الامتلاء.
- كلمتين وبس:
لو عاوزين تتخنوا يبقى أشبعوا بطريقه الامتلاء..
لو عاوزين تخسوا أو تحافظوا على قوامكم أشبعوا بطريقه الامتصاص..
كفايه كده النهارده... وأقابلكم فى مقال جديد بإذن الله.... تحياتى
