محرر الأقباط متحدون
شنت القبطية جانيت، هجوم حاد على المدلس معاذ عليان وكشفت أكاذيبه في مقطع فيديو متداول علي منصات التواصل الاجتماعي.
وقالت جانيت: "جاتلي رسالة الساعة 6.30 صباحا بها رابط فيديو للمدعو معاذ عليان.. وقالت لي مرسلت الفيديو حق عليا علشان أنا كنت عمل لها فيديو من سنة ونص تقريبا عن مشكلة زوجية تخصها وكانت حالتها صعبة جدا وهي شبة منهاره والحمد لله مشكلتها اتحلت وانا طلعت وقلت ان مشكلتها اتحلت وكل واحد يخليه في حاله.
"ولكن المدلس عليان طالع حاطط الفيديو ويبدوا للناس ان انا صاحبة المشكلة وقام بنشره بشكل عجيب، وحاطط في أخر نص دقيقة من الفيديو ان دي رسالة جاتلي ونحن نعلم أن قليل من يري الفيديو للاخر".
وشنت جانيت هجوم حاد علي المدلس عليان قائلة: نعلم أهدفك وأنا متأكدة من أن الفلوس حلو والتمويلات أحلي ولقمة العيش والسبوبة بتحكم.. أنت مركز معانا (الأقباط) ليه، هو مفيش مشاكل عند اخوتنا المسلمين مفيش قضايا في المحاكم، ليه مركز معانا هل بتحب الأقباط؟ اشك".
انا لا اقبل أن اتكلم عن تعدد الزوجات أو زواج المسيار أو زواج المتعة، أنا لا أقبل أن اكون عارفه أن زوجي مع ضرتي.. في ناس دينها يقبل هذا لكن أنا ديني لا يقبل ذلك، أنا ديني بيقول لا علي الطلاق أنا حرة وأنت حر خليك في نفسك".
أنت بتصطاد في الميه العكرة، أي سيدة تحصل معها مشكلة أسرية تقول لها تعالي دينا مفتوح لكي، كدا أنت بتعترف أن أي وحده بتسيب الدين المسيحي فهي رايحه علشان حب أو علاقة أو في مشكلة عائلية عندها، متعرفش أن اللي بتعمل كدا بتبقي رخيصة واللي بيستقبلها بيبقي أرخص، معنديش أي مشكلة أن أي حد يختار أي دين بس عن اعتناق لكن أنت تطلع تقول نصرة للدين أنت شايف ان ده نصرة للدين، أنت بتنصر الدين بالستات اللي عندها مشاكل يا رخيص؟
