ممدوح الديري
الكل بقي بينكر عيبه
ويداري يخبي في الاعيبه
وانت اللي عارفها وبتسيبوا
سترك يا ربي بيحمينا................
نفوسنا مريضه وبنعاصي
وخطيه وبتجر معاصي
سترك يارب علي القاسي
مافي غيرك يقدر يشفينا............
وبنرسم صورة وهمية
ونعيش وكأننا ميه الميه
لكن احنا ديابه وحراميه
وانت اللي تنجي وتحيينا..........
انا خاطي بعلن قدامك
محتاج ياربي لسلامك
خليني اتبرر قدامك
لايهمني مايقولوا علينا...............
يقولوا كويس مش فارق
مش اصاحب اصل انا مفارق
داه المركب المثقوب غارق
وانت بشراعك رسينا..................
ياصاحبي عايشها بلون واحد
الطيب افضل مالجاحد
عارف الحقيقة إله واحد
وقبور مزينه تعمينا ...............
الجاهل يضحك علي نفسه
ويغره الدهب لابسه
تراب ولاخر هندوسه
ونسيبها ترابها يغطينا................
✍ممدوح الديري✍
