كتب - محرر الاقباط متحدون
وجه المفكر والطبيب خالد منتصر، رسالة بعنوان " ابن لمطلقة - لماذا تكريس ثقافة كراهية السيدات المطلقات ؟، وذلك عبر حسابه على فيسبوك، وجاء بنصها :
د ناجح ايراهيم بيقول ان ابن الأرملة أفضل أخلاقا وعلماً من ابن المطلقة وأوسع رزقاً،وكأن المطلقة كانت تعيش في رغد من العيش ولم تتبهدل في المحاكم أو تهان من زوجها وبيطلع عينها حرفياً في توفير الحياة الكريمة لعيالها ..الخ ،ويتناسى كفاح مطلقات كثيرات لتربية أبنائهم والسعي لتعليمهم أفضل تعليم وجعلهم يعيشون أفضل عيشة في أفضل مكانة ، وفي الأغلب بدون مساعدة الأب الذي غالباً ما يسرع بالزواج من أخرى تاركاً العيال بدون أي اهتمام مادي والأهم نفسي.
وانا باتكلم خصوصاً عن الطبقات الشعبية ، الستات الغلابة اللي بيضطروا يخدموا في البيوت عشان يربوا عيالهم ، وكانوا قبل الطلاق تلات تربع فلوسها بياخدها الزوج ويلهفها عشان مزاجه وأغلبهم بيبقى مأنتخ في البيت مستنيها لما ترجع وتحط الفلوس في حجره!!!.
هل يا شيخ دكتور ناجح ما سألتش نفسك ليه ٩٨٪ من أطفال المطلقات عايشين مع الأمهات مش مع الآباء؟؟! .
يا جماعه المطلقة اللي بتخدش الصخر بضوافرها عشان تعيش هي واولادها في ظروف قاسية زي دي ، يتعملها تمثال مش ننشر ضدها ثقافة الكراهية والتحقير دي!!.
وناجح إبراهيم، أحد مؤسسي الجماعة الإسلامية في مصر.
