ديڤيد ويصا
لو بتخدم خدمة كلمة ..
فيه امتياز الله هيدّيهولك، هو الناس ..
هيحكولك ويشاركوك ويستأمنوك ..
هتقرَّب من صراعاتهم وأوجاعهم واحتياجاتهم!
--

عاوز تحوِّل ده لخدمة كلمة حقيقيّة؟
خلّي كلامك طالع من أرض الناس ..
كلام من شخص حاسس بيهم، وواصل ليهم ..
ويزيد عليه قعدتك اليوميّة قُدّام كلمة الله ..

عشان تبقى عينيك في السّما، بس رجليك على الأرض ..
فتبقى قاعد قُدّام الله، في محضره بتسمعه ..
وقاعد جُوّه الناس، متفهّم أوجاعهم ولامسها!
--

ساعتها بس الناس هتسمعك وتتلامس مع كلامك ..
ومعاه هتلمس الله ويتلامس معاها من سماه، في أرضها!
ديڤيد ويصا