ممدوح الديري
انا فين في حياتك داه مكاني
لسه مغيرتش عنواني.................
عنواني محبة انا اديتك بس انت اوعاك تنساني ...............
في القلب ياابني انا شايلك
بس انت تقرب تلقاني................
او شاور لو حتي بايدك
هرجعلك وبكل حناني ...........
من يوم مامشيت وانا بحايلك
وبقولك ارجع من تاني...............
إياك فاكر اني انا مديونلك
بمحبة وجيت وانت الجاني.......
سمرت ايديا ورجليا وداه كان علشانك علشانك زادت احزاني .............................
بالشوك المزروع في جبيني
احييتك ياتربي وفاني...............
والحربة بتشهد علي موتي وصليبي بقي داه خلاص مجاني........................................
ارجعلي تعالي انا مستني برجوعك بيكون غفراني............
وبخبط عالباب مستني بس افتح حالا تلقاني........................
✍ممدوح الديري✍
