د. أمير فهمى زخارى المنيا
طبعا الشعب المصرى أكثر حاجه يشتهر بها الأمثال
لدرجه إنى اعرف ناس كل كلامها على رأى المثل....
فى أمثال أنا بسمعها غريبه جدا لدرجة لا أفهم معناها
علشان كدا قررت أدور على  معانى بعض الأمثال اللي أسمعها والقصه اللى وراها...

المثل النهارده بيقول:
"من دقنه وافتل له"
مثل شعبى قديم من  الفولكلور المصرى..

والقصة الاصليه:
ان شاب كان عايز فتلة..
خيط يعنى.. 
وطلب ذلك من شيخ ولم يكن موجودة عنده الخيوط...

فأخذ الشيخ يفكر وأخذ كم شعراية من دقن الشاب وفتلهم وعملهم خيط وأعطاهم له..
فكان الشاب مش عارف يرد جميله .. مع إن الفتلة دى كانت من دقنه.

ومعنى المثل إنه إذا كان حد محتاج حاجة فأنت بتعملهاله..
بس على حسابه..
هو بيدفع تمنها مثلا..

فتبقى أنت لم تساعده فعلا  ... لانه دفع تمنها ..بس انت دليته عليها..
توفيق عكاشة عن الوضع السياسي العالمي:"من دقنه وافتل له"
 إن الوضع السياسي فى العالم والخريطة التى رسمتها التنظيمات الإرهابية العالمية تتضمن مقولة "من دقنه وافتله"، موضحاً أن هذا التخطيط الإرهابي يعتمد على محاربة الدول بعضها ببعض، معلقاً: "يعنى كلهم ياكلوا بعضهم ببعض".

من الآخر :
يحفل الموروث الشعبي بأمثلة من عينة ( من دقنه وأفتله ) أي خذ من شعر ذقن الشخص لتغزل له ما يريد أو ( من زيته وأدهن قرنه) أي نأخذ من زيت الحيوان لندهن قرنه ليستفيد...

والى اللقاء فى مثل آخر ... أصله ومعناه...تحياتى.
د. أمير فهمى زخارى المنيا