كتب - محرر الاقباط متحدون
استنكر المفكر والطبيب خالد منتصر ، مقطع فيديو يزعم دعم الفنان هاني رمزي أحد المرشحين المحتملين للانتخابات الرئاسية.
وكتب منتصر عبر حسابه على فيسبوك :" أنا مندهش كيف يسمح مرشح رئاسي لحملته أن تكذب وتدعي أن أحد الفنانين النجوم يؤيده ، وهو لا يعرفه أصلاً !!!!، رشح نفسك ونافس كل ده من حقك ، لكن مش من حقك تفبرك !!، لا يمكن أن أثق في واحد من النخبة يستخدم الكذب لترويج حملته ، المجد لا يصنع بالأكاذيب يا عزيزي مع كل الاحترام لشخصك الكريم.
ونفى رمزي صحة هذا الفيديو ، وقال في مقطع فيديو نشره الكاتب والمفكر خالد منتصر عبر صفحته الرسمية على فيسبوك :" في فيديو ليا متداول بطريقة مش مظبوطة خالص، ولازم أبين لكم حقيقته، أنا ليا صديق على صفحتي اسمه طنطاوي وعيدت عليه وبحييه.
وتابع :" الفيديو اتاخد واستخدم بطريقة مش لطيفة خالص، انا عايز أقول إن كل اللي بيدور حول هذا الفيديو ليس له أساس من الصحة، وإن ده خدعة كدة عجيبة وأنا نفسي مستغرب، إيه يا جماعة في ايه هو مفيش غير طنطاوي واحد في مصر؟!، إيه الكلام ده واشمعنى أنا، معلش المهم إني بوضح دلوقت حقيقة الفيديو.
