كتب - محرر الاقباط متحدون
قال المفكر والطبيب خالد منتصر :" أطفالكم ثروتكم الحقيقية ، مش عبيد عندكم ولا أسرى ، باشوف أمهات كتير بتضىب أطفالها في الشارع بمنتهى القسوة، وآباء بيعنفوهم ويشتموهم بأقذع الألفاظ، وده بيخلق منهم شخصيات هشه ، تعاني من عقد وأمراض نفسية لما يكبروا.
وتابع عبر صفحته الرسمية على فيسبوك :" ازاي أب يضرب ابنه بخرطوم أو حزام؟؟! وعايزه يبقى طفل سوي ؟!، ازاي أم تعاقب بنتها بانها تخوفها وتطفي النور عليها أو تضربها بالقلم على وشها..الخ وعايزاها تبقى بنت طبيعية؟!.
لافتا :" اللي بتسموه شقاوة دي طاقة أطفال بتلعب عشان تستمتع وتشكل شخصيتها ، ازرعوا فيهم الثقة ما تخلوهمش يعانوا من رعشة وتأتأة وهشاشة نفسية وخوف ، أطفالكم أمانة في ايديكم ، في الدول الغربية اللي بيعمل كده في ابنه أو بنته بيتاخد منه ، لان بكده انت ما تنفعش أب وانت ماتنفعيش أم ، والدولة أولى برعايته ، احنا لسه ما وصلناش لكده يضرب ويقول عشان يتربى!!، وبئس التربية.
