د. أمير فهمى زخارى المنيا
زمان و ألفاظ زمان .. ❤
مصطلحات كتير اختفت من الزمن الجميل
( الحكيم ، الاوتومبيل ، يا اكسلانس ، الاسبتالية ، الاجزخانة ، البندر ، التوجيهية ، الشكمجية ... الخ )
يعني مثلا الصبح كنت تقول ( صباح شريف او نهارك سعيد ) .. و لما تكون في الشارع و عايز تسأل حد عن حاجة تقوله ( قولي من فضلك ) و لما يساعدك و تحب تشكره تقوله ( أنا ممنون لك خالص )
و لو واحدة واقفة مع جارتها هتقولها ( أما أروح بأة أحسن اللافندى بتاعي يستعوأني )
و لما تحب تبدأ كلامك عن موضوع تقول ( أنا غرضي أقول .. )
و لما تتعصب هتقول ( دا شيئ كتير خالص ) .. فاللي قدامك يقولك ( هدي أخلاقك يا أفندي )
و كلمة أفندي وقتها كانت بتتقال لأي حد صاحب شأن في المجتمع ، لأصحاب الوظايف المدنية و الدينية
حتى لما تحب توقع بين حد و التاني هتقول ( قال على سعادتك كلام بطال خالص )
و الشتايم وقتها كانت ( كروديا ، دهول، دغُف سدِغ ، جلياط ، مغفل )
سعيدة ..
كانت هذه الكلمة تُعد من الكلمات التى تستخدم للتحية، فدوماً تجد فى الأفلام تجد من يُلقى التحية يقول كلمات من قبيل: سعيدة أو نهارك سعيد.
و لما تبقى قليل الأخلاق خالص و تحب تعاكس ست في الشارع هتقول ( بونسوار يا هانم ) .. فلو عجبت الهانم هتبتسم في خجل و تبدأ الحكاية ما بينكم ، لو ما عجبتهاش هتقولك ( يا سم )
يا ترى نفسك تعيش ف الزمن ده ❤❤ تحياتى.
د. أمير فهمى زخارى المنيا
