بقلم جورج حبيب
يا كنيسة الناس فيك أنواع
فيكِ اللي جَاي يَصلي
واللي جَاي يقابل الاتباع
وفيِك اللي جاي يبُص علي غيره
اللي لَابسُه واللي بِيقوله لغيُره
واللي وِدانه مَفتوحه
بِيتصَنت علي كِلمه مَسموعه
واللي جَاي يِقضي وقْت
يتسَلي ويِعرف اللي حَصل بالظَبط
وفيكِ اللي سِمع كِلمة
نِدم علي اللي عَمله وآبديته بَقت مُهمه
وفيِكِ اللي بِخلاصُه مُهتَم
وخَطيتُه قُدَامه وشَال الَهْم
وفيكِ اللي بالمسيح مَشغُول
لا حَاسس باللي جَنبه مَهما يقُول
وفيكِ نَاس قِديسينْ
مع المَلايكة بيسَبَحوا مُتَهللين
وفيِك اللي جَاي يقَابل نَاس
يعرف فِلان كِسب وِفلاَن مِحتَاس
وفيِك اللي جَايه تِجمع أخبار
فِلانه وعِلانه في الليل والنَهار
وآدي الناس وانَواعها
ورَبنا فَاحص قِلوبها وعَارفها
وياريْت تيجي الكنيسة تِصلي
وكِفياك دَينونة يا فلان أفندي
وانتِي يا اُخت فِلَانه
كِفايَاك هَتِبقي في السَما غَلبانه
