د. أمير فهمى زخارى المنيا
١- موتور المياه لازم تشغله حتي ولو دقيقه كل يومين حتي لو مش محتاجه...
ولو مسافر ورجعت بالسلامه فك وش التهويه ولف المروحه بايدك وبعدين شغله علشان الراوسب اللي في المياه بتسبب قفش للاولسيل ولو شغلته وسبته علي اساس انك مش بتسمع صوته اصلا لانك في دور عالي ممكن يكون قافش وانت مش واخد بالك ويتحرق.
٢- توصيل اكثر من جهاز بيسحب امبير عالى في مشترك واحد غلط.
بمعنى لاتوصل أكثر من جهاز بمصدر واحد للكهرباء.
٣- التلاجه ماينفعش تتركن لفترات طويله...
والثلاجه جنب البوتاجاز غلط.
٤- الديب فريزر والتلاجه متعملش ناصح وتقول افصلهم طول الليل واشغلهم بالنهار علشان اوفر كهربا . بالعكس انت كده هتستهلك كهربا اكتر .
٥- سخان المياه الكهربا لو لاحظت انك فتحت البارد لقيت مياه دافيه افصله فورا وهات فني يغير شيك بلف قبل ما تحصل كارثه والهيتر يضرب داخل الحله وتتكهرب.
٦- الغساله اثناء الشغل فجأه لقيتها ب "ترقص حافية القدمين" ماتكبرش دماغك وتقول بعدين ولازم توقفها فورا وتجيب حد يشوف البلي والمساعدين والصليبه.بدل ماتدخل نفسك في قصة موتور وكارته.
كاتيل الشاي املي مياه علي قدر حاجتك علشان توفر في استهلاك الطاقه وتحمي طقم القواعد والمفتاح.
والى اللقاء فى نصائح جديده ...تحياتى.
د. أمير فهمى زخارى المنيا
