ديڤيد ويصا
سألته: الحب مسؤولية؟'>هو الحب مسؤولية؟
--
قال:
دي مفيهاش كلام!
بس الحب مش بس انك تشيل مع اللي بتحبّه مسؤوليّة المستقبل ..
لكن انكوا تشيلوا مع بعض مسؤوليّة ماضيكوا ..
كل واحد فيكوا جاي للتاني بشيلة وتجارب وخبرات ومخاوف ..
كل واحد فيكوا خد قرارات في الماضي لوحده ..
دلوقتي لازم تشيلوا مع بعض مسؤولية نتايج الماضي ..
تتفهّموا بعض، تصبروا على بعض، تستوعبوا مخاوف بعض ..
تقدّروا ضعفات وخبرات بعض، من غير ما تستعجلوا على بعض!
--
دي القوة يا ابني مش في قوّة كل واحد لوحده ..
لكن في حضن كل واحد منكوا لضعف التاني!
والشِّفا مش في صحّة كل واحد لوحده ..
لكن في احتواء كل واحد منكوا لجروح التاني!
حوار مع صديقي الوحيد
ديڤيد ويصا
