ديڤيد ويصا
سألته: إيه الفرق بين القريب والغريب؟
قال:
فروقات كتير، بس هقولَّك واحدة منهم ..
للغريب، مش بتوعِد إلا لو قادر تلتزم!
لكن للقريب ..
ينفع تشارِكه أحلامك ..
من غير ما تخاف من تعييره ليك بعدم التزام!
ينفع تشاركه مخاوفك ..
من غير ما تخاف من تعييره ليك بإنك جبان!
ينفع تشاركه خطواتك ..
من غير ما تخاف من تعييره ليك ببطء خطاويك!
وينفع تشاركه معوقاتك ..
من غير ما تخاف من تعييره ليك بتفاهة تحدّياتك!
--
قلت: بس انا ياما شاركت القريب وعيَّرني!
قال:
يبقى غريب!
--
#حوار_مع_صديقي_الوحيد
