كتب - محرر الاقباط متحدون
وجه الدكتور سامح فوزي الأكاديمي والكاتب الصحفي ، نصيحة نفسية تقول "ان قيمتك في المكان الصحيح."
واضاف فوزي خلال تقديم برنامج "آخر الأسبوع" المذاع عبر قناة ME Sat القبطية الارثوذكسية :"عند الذهاب للسوبر ماركت او احد المحلات لشراء زجاجة مياه معدنية، ستجدها تباع بـ 4 او 5 جنيهات .
وتابع :" نفس الزجاجة ثمنها يرتفع في السينما، حيث من الممكن ان تكون تباع هناك بـ ١٠ جنيهات .
لافتا :" اما في حال كنت في مطعم وطلبت زجاجة مياه معدنية، سيبيعها لك المطعم بـ ١٥ جنيها.
وواصل :" واذا كنت في المطار ستشتريها بـ 20 جنيها، وهي الزجاجة نفسها .
لافتا :" انه ما يدعونا للتفكير في الموضوع بشكل مختلف، لتصل الى ان قيمتك تكون في مكانك الصحيح.
كما لفت :" قد تشعر في لحظة انك ليس لك قيمة في مكان معين او تشعر بالتراجع وصغر النفس.
موضحا :" ربما انت تمتلك امكانيات ومواهب، لكن شعرت بذلك وحصلت المشكلة كونك اخترت المكان الخطأ، اخترت مكانا ليس لك .
وتابع :" ده اللي بيخلينا دايما نقعد نفكر في المكان اللي يحقق القيمة بتاعتنا.
مؤكدا :" من المؤكد ان كل انسان عنده حاجات حلوة يقدر يقدمها ومواهب.
لافتا :" لا يوجد إنسان خالي من المواهب ، ولا يوجد انسان يفتقد الى كل الامكانيات، هذا لا يحدث ابدا .
واستكمل :" الإنسان عنده حاجة معينة ممكن يتميز فيها، و لما يتميز فيها ويختار المكان الصحيح اعتقد انه في هذه اللحظة سيشعر بهذا التمييز .
موضحا :" ويتحقق التمييز من خلال :
-تنمية قدراتك
-تنمية امكانياتك
-اختيار المكان الصحيح
-لا تسمح لاحد بالتقليل من قيمتك او الاستهتار بك او التعالي عليك .
-ان يكون لديك حلم وتسعى لتحقيقه
-ضع نفسك في المكان الصحيح
لافتا :" من الممكن ان تكون شخص مميز جدا لكن باختيارك المكان الخطأ، لن تظهر مواهبك امكانياتك وتميزك فيه.
موضحا :" بنقول لأبنائنا دايما في سن النشء والشباب، اختار اللي انت تصاحبه، وبلاش تحط نفسك في مكان غلط .
وتابع :" لازم نشوف قيمتنا بتعلى فين وتنخفض فين ، وامتى نكون اكثر تميزا ونقدم اللي عندنا وامتى نشعر اننا معندناش حاجة نقدر نقدمها.
لافتا :" الموضوع محتاج تفكير مننا ونفكر كويس اوي رجلينا واقفة فين واحنا بنقدم نفسنا ازاي .
