د. أمير فهمى زخارى المنيا
بما إن أكلة الرنجة تعتبر واحدة من الاكلات المفضله فى فصل الشتاء وخصوصا فى فتره الصيامات... خلينا نتكلم مع بعض على شويه نصايح مهمة هتفرق معاك أوي عشان تتجنب أي مشاكل هضمية و اليوم يعدي بسلام ..

✍مبدأياً كدا يفضل إني أشتري الرنجه واحفظها في الفريزر عندي لمده متقلش عن ٤٨ ساعه قبل تحضيرها للأكل عشان أضمن القضاء على معظم الطفيليات و البكتيريا اللي ممكن تتواجد فيهم.

✍ننضف الرنجة كويس أوي ونتخلص من الرأس والأحشاء الداخلية بالكامل وبعد كدا نغسلها كويس ..

✍الأفضل طبعا إني أعرضها للحرارة قبل الأكل  زي إني أقليها في الزيت او أشويها في الفرن.. ولو عايزين نقلل من الملح نغليها في المايه لمدة  دقيقتين تلاتة..

✍أكتر من أكل الخس والجرجير والبصل الأخضر على قد ما أقدر.

✍متنساش شرب المايه في اليوم ده مهم جدا وممكن تعصر عليه ليمون.. و تجنب المشروبات الغازية لإنها هتزود إحتباس المايه والأملاح في الجسم ... ياريت تستبدلهم بمشروبات مفيدة زي عصير البرتقال أو الكركدية.. أو المشروبات الدافيه المفيدة برضو  زي الشاي الأخضر أو الينسون..

✍و تجنب الحلويات اللي هتزود عسر الهضم .. واستبدلها بالفواكة المفيدة زي الكانتالوب او الموز او البرتقال او اليوسفي..

وبالهنا والشفا ... والمره الجايه هاتكلم عن محبى اكل السمك...تحياتى.
د. أمير فهمى زخارى المنيا