د. أمير فهمى زخارى
كثيرًا ما نصف شخصًا يتمتع بقوة غير عادية؛ خاصة فيما يتعلق بقدرته على تخليص نفسه من الأذى بأنه كالقطط له سبع أرواح.
فما مدى دقة هذا الكلام؟ هل هو حقيقة أم خرافة وأساطير، ليس أكثر؟
☜ في مصر القديمة، كانت القطط من الحيوانات المقدّسة التي كان يعبدها الناس كالآلهة.
واعتقد المصريون أن القطط مخلوقات إلهية بقوى روحية خارقة للطبيعة...
يمتاز القط بخفة وزنه وليونة عظامه وده السبب الرئيسي اللي بيخليه ينط من مسافات بعيده بدون اي اصابات....
لذلك اطلق عليه البعض عباره بسبع ارواح ، نتيجة مرونة جسمه اللي بتخليه ينزل على رجله مهما كانت المسافة....
لكن في الواقع القفزات دي بتتعبه وبتنهكه....
لكنه بيفضل الجري لحد مايبعد عن كل الانظار ويتألم لوحده...
حتى لو تعرض لحادث
ليونة جسمه بتخليه يتحمل الصدمه ويطلع يجري، لكنه في مكان بعيد عن الانظار بيتألم من قوة الخبطه وممكن يموت بسببها.
☜عبارة القطط بسبع ارواح مجازاً ليس اكتر، القط بروح واحده زيه زي باقي المخلوقات..
✍ بس انا هنا قصتي مش على القطط
قصتي على انسان مرن ، بيتحمل الصدمات مهما كانت بسبب مرونة روحه في استقبالها..
فيظنه البعض بسبع ارواح ، عادي نديله كمان فوق دماغه ماهو مش بيزعل ولا بيجراله حاجه
بسبع ارواح وبيرجع ويضحك من تاني.
لكن في الواقع الانسان ده بيكون زيه زي القطط
بيبعد وهو في كامل ابتسامته لحد مايختفي عن كل الانظار، ويتألم في صمت، اما ان يقاوم ويرجع من تاني او يستسلم لوجعه ويموت نفسياً...
✍ محدش بسبع ارواح
كل كلمه سم طالعه منك تأكد انك هتأذي بيها غيرك
مهما ضحك في وشك بعدها او بان انه عادي
للأسف مابيكونش عادي ، وبيكون في اسوء حالاته النفسيه بسببك
لكنه بيفضل يبعد عن الكل، ويتألم في صمت..
كلنا بروح واحده ، فبلاش نفقدها بسببك تحياتى.
