د. أمير فهمى زخارى المنيا
«جربها وهتاكل اللي نفسك فيه»
معنى التدبير نصف المعيشة
معناها أن معيشة البلاد والعباد تقوم باجتماع أمرين اثنين، وهما الكسب والمعاش والاقتصاد في إنفاقه، فمَنْ كسب مالاً فقد حاز أحد ركني المعيشة، فإن لم يحز على الآخر وهو حُسن التدبير فقد فَقَدَ نصف معيشته، وانهدم أحد ركني المعيشة، ومَنْ حاز الركن الثاني وهو الاعتدال في الصرف، فقد عاش عيشة هنية...
أخر الشهر يعني أكل "قرديحي"، وللحفاظ على أخر الجنيهات المتبقية من المرتب في نهاية الشهر، يمكن باتباع بعض الخطط الاقتصادية، وسوف تحافظ على أموالك حتى يتبقي منها بعض الجنيهات، وقرأت عن الاكل القرديحى وكررت نشره للاستفاده منه وصوصا نحن في ازمه اقتصاديهوعلاء, وهو ما أكشف عن تفاصيلها خلال السطور التالية والتي جاءت كالأتي:
1- استخدام غسالة الثياب على حرارة منخفضة، (30 درجة مئوية كحد أقصى)، ما يعني أنها لن تستهلك الكثير من الطاقة لتسخين أو غلي المياه.
2- ممكن تعملى بطاطس تديها غلوه فى ملح وخل وتطلعيها تصفيها وتقليها تطلع معاكى فارم فريش.
3- وممكن تعملى شكشوكة بيض وهي انك تقطعى بصلة قطع صغيرة خالص وتشوحيها مع حتة سمنة وتقطعى طماطم وتنزليهم على البصل وتحطى فلفل اسود وملح تخليهم لحد ما لطماطم تتهرى وتنزلى البيض لحد ما يستوى مع التقليب.
4- قشرى بتنجان وتبليه بالملح واقليه واعمليلة دقة عبارة عن توم وفلفل مدقوقين وملح وكمون تبلى بيهم البتنجان المقلى واعصرى عليهم فى الاخر نص لمونة.
5- ممكن تعملى مسقعة تجيبى طاسة تقلى فيها بتنجان وبعدين تجيبى طاسة تانيه تحطى فيها زيت وتقلى فى الزيت قرون فلفل وقطعيها من الجنب علشان مايطرطش زيت برة وتكونى مقطعة فصين توم وتنزليهم على الفلفل وبعد كده نزلى عليها طماطم مقطعة صغير سيبيهم لحد مايقربوا يتسبكوا وحطى عليهم كمون وملح ونزلى البتنجان وسبيه لحد مالطماطم تتسبك ( وكل مالفلفل كتر كل مالطعم بقى اجمد).
6- فى كمان كشرى اصفر وهو عبارة عن عدس اصفر ورز بنفس الكمية او العدس اكتر شوية فى حلة حطى شوية سمنة شوحى بصلة صغيرة خالص وبعدين نزلى الرز والعدس وحطى عليهم ميا وملح وفلفل اسود سيبيه يتشرب وبعد كده وطى النار عليه واعملى جنبه سلطة خضرا او اقلى فلفل وحطى عليه فص توم وبعد كده طماطم لحد مايتسبكوا وبعدين اغرفيه وكليه مع الكشرى ده.
7- فى فكرة حلوة قوى وانتى بتقورى الكوسة للمحشى اوعى ترمى القلب لااااا شيلى الباقى فى كيس فى الفريزر وفى مرة خرجيه وافرمى بصلة مع بقدونس وكزبرة خضرا واخلطيهم مع فلفل اسود وملح وحطيهم فى صينية وعليهم بيض مخفوق ودخليه فى الفرن.
8- لما بتعملى الفراخ جمعى الكبد والقوانص وفى يوم تكونى عايزة تمشيه خرجيهم وشوحيهم مع البصل وجنبهم شويه مكرونه محمره أو بالطماطم.
9- ممكن كمان تسلقى بطاطس وتحطى عليها ملح وكمون وتهرسيها فى بعض وتغرفيه فى طبق وتحطى على الوش زيت زيتون وبقدونس.
10- البيتزا لما تيجى تعمليها وتزيد من العجينة حطيها فى كيس فى الفريزر وطلعيها وقت ماتحبى وهتفضل محتفظة بالخميرة فيها وهتنفش عادى.
11- ممكن كمان تعملى صينية بتنجان باللحمة المفرومة تقلى البتنجان أو ضعي رشه زيت زيتون وضعيه في البوتجاز يتحمر وترصيه فى صينيه فرن وتعصجى لحمة مفرومة تفرديها على وش البتنجان وتحطى على وشها حلقات فلفل رومى وفوق على الوش اعصرى كام طماطمية من غير ميا وحطيها ورشى عليها ملح وفلفل وبهارات.
12- القرنبيط هاتى منه كمية واسلقيه أو أسلقيه علي حمام بخار ويبرد واحفظيه فى اكياس على قد الاكلة وطلعى وقت ماتحتاجى.
13- لو عندك شوربة زادت احفظيها فى الفريزر وفى مرة هاتى اي نوع محشي واحشيه وتسقيه شوربة.
نرجع ونقول التدبير نصف المعيشه...تحياتى.
د. أمير فهمى زخارى المنيا
