د.امير فهمي زخاري المنيا
عمرك سألت نفسك ليه لما بتنام ١٠ ساعات بتصحى تعبان ومكسر ولما بتنام ٧ ساعات بس بتصحى احسن ونشيط..
النوم مش مجرد أن الجسم بيعمل shutdown زى الكمبيوتر ..لا الجسم لما بينام بيخش فى مراحل مختلفه.
ركز كده معايا عشان تنام صح.
مراحل النوم:
النوم بيتقسم مرحلتين *اولى وتانيه*
١- المرحله الاولى اسمه NREM : يعنى مفيش حركه عين.
٢- المرحله التانيه : REM يعنى حركه سريعه للعين ..متركزش فى أسمائهم مش مشكله...
المهم ...
١- المرحله الاولى فيها ٤ دورات:
☜الدوره الاولى (٩٠دقيقه) وتسمى دوره الدخول فى النوم:
وديه اللى هو لسه ما بين انك لسه واعى باللى حواليك وسامع وبين الدخول فى النوم..
انت هنا لسه شبه صاحى.
☜الدوره الثانيه (٩٠دقيقه) وتسمى دوره النوم الخفيف :
وديه انت دخلت فى النوم الحقيقى..
خلاص انت مبقتش واعى باللى حواليك ودرجه حرارتك بدأت تنزل وضغط دمك ونبضاتك بدأت تنتظم.
☜الدوره الثالثه والدوره الرابعه كل واحده (٩٠ دقيقه) وهما مرحلتي النوم العميق:
وغالبًا ما تكون أصعب فى الاستيقاظ، لذا إذا حاولت إيقاظ شخص ما عندما يكون في المرحلة الثالثة أو الرابعة، فمن المرجح أن يكون مصابًا بالارتباك والإرهاق لمدة دقائق بعد استيقاظه.
وديه خلاص انت جسمك استسلم للنوم ومعدل تنفسك بيقل وضغطك بيقل وعضلاتك بترتخى وبيبدأ إفراز هرمونات النمو وبيبدأ يحصل تصليح لأى مشاكل فى الجسم.. ديه هنا الجسم شغال صيانه داخليه وديه فتره مهمه جدا.
٢- المرحله التانيه REM (٩٠ دقيقه) ويسمى نوم حركة العين السريعة:
وديه الدوره الأخيره رقم ٥
وهى المرحلة الوحيدة لحركة العين السريعة (REM)،
ويسمى نوم حركة العين السريعة بهذا الاسم بسبب تحرك العين في اتجاهات مختلفة بينما تكون الأطراف والعضلات مشلولة مؤقتا ويضعف التنفس ويصبح غير منتظم بينما يرتفع معدل ضربات القلب وضغط الدم.
وديه مرحله المخ بيبقى فيها نشط... واللاوعى بيسيطر فيها وكأنك شخص تانى وبتخش فى احلام أو كوابيس..والمخ بيبدأ يرتب أموره وذاكرته ديه مرحله السوفت وير وتظبيط الويندوز..هى ديه المرحله المهمه لعقلك وبعدها بتصحى مركز ونشيط ..بس لازم تاخدها كامله..
كده انت فهمت ان عندنا ٥ دورات ..كل واحده ٩٠ دقيقه ..
هدفك انت تاخد الدورات الخمسه عشان تقوم نشيط
يبقى ٥ × ٩٠ = ٤٥٠ دقيقه
يعنى ٧ ساعات ونص ...
وديه عدد الساعات بالظبط اللى المفروض تنامهم لا اكتر ولا اقل.
خد بالك لو حسبت قبل ما تنام ولقيت انك هتصحى فى نص الدوره ..الفكره انك تظبطها انك تصحى بعدها أو قبل ما تخش فيها..
لان لو صحيت فى نص واحده منهم هتواجه أسوأ ايامك حتى لو نايم ١٠ ساعات..
طبعا فى الاطفال بيحتاجوا اكتر من ٥ دورات وساعات نومهم ممكن توصل ل ١٧ ساعه فى اليوم ..
وده لأنه محتاج يبنى ويطور عقله وكل ده محتاج يعمله وهو نائم..
عرفتوا حدوده النوم والا لسه. ...
فى الجزء الثانى من مقاله النوم سلطان هانعرف:
- ليه مرحلتين للنوم.
- اهميه كل مرحله للجسم.
- إيه أهميه النوم العميق!!!
- إيه هى مضار قله النوم؟؟؟
- إيه أهميه المرحله الخامسه وهى فتره الأحلام والكوابيس للجسم؟؟؟
- إيه هى علامات قله النوم؟؟؟
- هل يمكن أن تؤثر بعض الأدوية أو المواد على مراحل النوم؟
- كيف يؤثر العمر على مراحل النوم ومدة النوم العميق؟
- هل يستطيع الجسم تعويض قلة النوم العميق؟
تحياتى للجميع..
د.امير فهمي زخاري المنيا
