كتب - محرر الاقباط متحدون
وجه القس صموئيل عبدلله كاهن كنيسة الشهيد العظيم مارجرجس بلبيس، رسالة لشعب الكنيسة بعنوان "شيطان النكد فى الاعياد"، وذلك عبر حسابه على موقع فيسبوك، وجاء بنصها :
خناقات وزعل على لبس العيد …. على تنضيف البيت …. على مذاكرة الاولاد علشان الامتحانات اللى وقت العيد، عصبية على اكل العيد واصنافه، على اللبس وفورمة ولون الشعر والميكب و ….. و ….. وغيره.
على الزيارات ومواعيدها وهانزور مين الاول ( اسرتى ولا اسرتك ) ، .… واستضافة الضيوف وهانقدم ايه … و الخروجات، وحاجات تانية كتييييييير كلها مادية لا تمت بأى صلة بمفهوم العيد الروحى، للاسف يا اولادى … الشيطان بيوجهنا ل حته تانية خااااالص بعيده كل البعد عن العيد الحقيقى، خدوا بالكم يا حلويييين …. واخزوا الشيطان كده وخليكم شاطرين … ولا تعطوا ابليس مكاناً ( افس ٧ ) … لأننا لا نجهل افكاره ( ٢ كو ٢ ) ، كل سنة وانتم طيبين، من غير نكد معيّدين.
