د.امير فهمي زخاري المنيا
البنطلونات الساقطة دى بدأت قصتها فى اواخر التمانينات كدا فى السجون الامريكية .. لما اتمنع استخدام الاحزمة فى السجن عشان المساجين كانوا بيستخدموها فى الخناقات .. او يخنقوا نفسهم بيها وينتحروا .
و لما خرج المساجين للحياة اتعودوا على عملية تسقيط البنطلونات دى ....
و لقطها منهم مغنيين الراب و الهيب هوب فى التسعينات وبقت موضة ..
خاصة بين الشواذ جنسيا اللى اعجبوا بيها اوى وحسوا انها بتعبر عنهم ....
لأنه من أسس تسقيط البنطلون إنك تبين بوكسرك .. وده فيه إيحاء لشخصياتهم وميولهم .
و إنتشرت موضة البنطلونات الساقطة جدا بين الشواذ .. لدرجة إنهم بدؤا يعرفوا بعض من خلالها فى الشوارع والأماكن العامة .. من غير ما يروحوا النوادى الخاصة بيهم .
و لما المجتمع الامريكى ثار على الظاهرة دى .. اتفرضت القوانين بمعظم الولايات فى امريكا بالسجن ست شهور وغرامة لحد 500 دولار للى يسقط بنطلونه .
و وقف مجتمع الشواذ هناك بعنف ضد تطبيق القوانين دى .. و مع ان ممكن تكون موضة البنطلونات الساقطة منتشرة بين المراهقين العاديين فى امريكا .. الا ان الانطباع والتصنيف الاول للى لابس البنطلون الساقط هو انه شاذ !!
لدرجة ان مطرب الراب ( دونى ) عمل حملة كبيرة ضدها .. و عمل اغنية مطلعها بيقول " متسقطش بنطلونك .. الا لو كنت شاذ " !!
و كالعادة عشان إحنا بنحب التقليد الأعمى اللى برا .. فالشباب هنا بيقلدوا الموضة دى وخلاص...
خلص الكلام ... ياريت نحترم أنفسنا... وكفيانا تقليد أعمى...
ده رأى الشخصى انا قولتلكم اصل الحكايه والحكم لكم
وإلى اللقاء فى مقال جديد وحكايه البنطلون الممزق ... تحياتى..
د.امير فهمي زخاري المنيا
