د. أمير فهمى زخارى المنيا
✍في البداية إيه هو الرضاعة'>تسوس الرضاعة؟
الرضاعة'>تسوس الرضاعة هو نوع عنيف من تسوس الأسنان وبيتسبب في تآكل الأسنان اللبنية بسرعة وبيدمرها تماماً زي ما هتشوفوا في أول صورة.

✍إيه أهم أسباب الرضاعة'>تسوس الرضاعة؟
من أهم أسباب الرضاعة'>تسوس الرضاعة هو الرضاعة قبل النوم أو أثناء النوم وعدم مسح الأسنان بعد الرضاعة بفترة كافية واللي بيؤدي لبقاء البكتريا الموجودة في اللبن أو حتى الأكل مع البكتريا الطبيعية الموجودة في أسنان الطفل وبتكون أحماض بتتسبب في تآكل الأسنان وتدميرها....

✍إيه خطورة الرضاعة'>تسوس الرضاعة؟
خطورة الرضاعة'>تسوس الرضاعة الواضحة والمباشرة هي تآكل الأسنان اللبنية وتدميرها، لكن الخطورة الأكبر بتكون في الحالة النفسية للطفل بسبب شكل أسنانه خصوصاً مع باقي الأطفال في نفس سنه، وبتسبب مشاكل في الكلام ونطق الحروف خصوصاً مع بداية سن الحضانة وكمان بتصعب عليهم عملية الأكل ومضغ الطعام كويس قبل بلعه واللي بيأثر على عملية الهضم وممكن يسبب مشاكل صحية أبعد لو متمش علاجه بسرعة، دا غير أنه مع تطور التسوس بيصعب علاجه وصعب يتم في العيادة لأن سن الطفل بيكون صغير وعدد الأسنان كتير واللي بيخلي تجربتهم سيئة مع دكتور الأسنان على عكس لو تم علاجه في البداية بيكون بدون الم واللي بيأثر على أهتماهم بصحة أسنانهم بشكل كبير.

✍نصائح للوقاية من الرضاعة'>تسوس الرضاعة:
١- متسيبيش الطفل ينام وهو يضع في فمه رضّاعة بتحتوي علي عصير أو حليب عشان السوائل الغنية بالسكر هتلتصق بأسنان الطفل، وبالتالي بتغذي البكتيريا التي ممكن تحفز تسوس الأسنان.

ولو في حالة الضرورة أن الطفل ياخد رضاعة أو ببرونة علشان ينام، خلي الرضاعة فيها مياه .

٢- نظفى اللثة بعد الرضاعة بإستخدام قطعة من القماش الناعم أو قطعة من القطن لمسح اللثة بلطف لإن ده هيساعد في إزالة بقايا الحليب والحفاظ على نظافة اللثة.

٣- حاولي تقللى عدد مرات الرضاعة الليلية، لإن ده بيساعد في تقليل تعرض الأسنان لسكريات الحليب طول الليل.

٤- حاولى تقللى من إستخدام الببرونة وتركها بفم البيبى لفترة طويلة.

٥ - وفرى للبيبى أكلات غنية بفيتامين د والفيتامينات الضرورية لصحة الأسنان.

٦- لما طفلك يكبر حاولى تعلميه إزاى يهتم بأسنانه وممكن يستخدم فرشاة ومعجون أسنان مناسب ليه. 🥰

ودى كانت أهم النصايح لتجنب الرضاعة'>تسوس الرضاعة والحفاظ على صحة أسنانه 👩‍👦

خدوا بالكم من اسنان الرضيع بدرى... تحياتى للجميع.
د. أمير فهمى زخارى المنيا