الحواجب

د. أمير فهمى زخارى
تفتكروا ربنا خلقهم ليه...
مش لجمال الوجه بس..

ولا لتعبير الوجه ساعه الرضا او الغضب الواحد ينزلهم او يرفعهم زى فريد شوقى فى افلامه ...
ده فيه ستات بتشلهم خالص وتدق مكانهم صناعى..
وفيه اللى بتظهرهم واللى بترفعهم واللى بتخنهم ...
واللى بيستخدمهم فى الغمز واللمز وما ادراك..

لكن انا قولت معقوله ربنا يخلق حاجه وفى وجه البنى ادم من غير فايده ...
واخيرا تذكرت لما كنت بدرس تخصصى نساء وتوليد فى مستشفى الشاطبى بالاسكندريه ... اننى شاهدت استاذى هناك له حواجب ضخمه وشعيرات كثيفه وطويله .. فتجرأت وسألته عن تركه لحواجبه بهذا المنظر ...
فتبسم وقال ...

تفتكر ربنا خلقهم عبثا .. قلت لا طبعا ...
قال عندما تم طرد آدم من الجنه قال له الله بعرق جبينك تأكل خبزك ..
قلت مظبوط ..
قال العرق اللى بينزل من الجبين من ناس شغاله زى الفلاحين والكادحين والعمال وامثالى اثناء العمليات .. تفتكر ايه اللى ها يحجز العرق من نزوله للعين وخد بالك العرق ملوث ومالح يعنى ها يأذى العين ..
طبعا ما فيش غير الحواجب ...

شكرت استاذى على تلك المعلومه الهامه ...
وقلت ابحث عن هذا الموضوع فوجدت فوائدها كثيره مثل:
- تعتبر الحواجب مصفاه للسموم من الجسم .. حيث إنها أحد وسائل طرد السموم الثقيله من الجسم مثل الزئبق والرصاص.
- مهمه للتعرف على هويه الشخص .. فالتعرف على الوجه بدون الحاجب صعب للغايه ..

- شكل واتجاه شعر الحاجبين للخارج يساعد على توجيه السوائل مثل العرق والمطر الى الجوانب بعيدا عن العين .
- تعد الحواجب وسيله تواصل واظهار لمكنون مشاعرنا .. فهو يسبقنا للتعبير عما فى نفوسنا .. فيرتفع عند الاعجاب وينعقد عند الغضب ومنه تعرف الحاله المزاجيه للشخص.

- بعض أمراض المناعه والأضطراب الهرمونى مثل مرض الثعلبه ، أو تضخم الغده الدرقيه أو العلاج الكيميائى أو مرض الذئبه .. كل هذه الأمراض يمكن أن تسبب فقدان شعر الحاجبين ..
من فضلكم اعتنوا بكل صغيره وكبيره فى جسمكم واشكروا ربنا على دوام الصحه ..