د. أمير فهمى زخارى
1- ما الفرق بين صدور الفراخ والأوراك؟
2- ما الفرق بين البصل الأحمر والبصل الأبيض (البصل الحلو)؟
3- ما الفرق بين سلق الفراخ أو الطيور عموماً وبين سلق اللحمة؟
4- ما الفرق بين الباذنجان الأسود والباذنجان الأبيض؟
1- ما الفرق بين صدور الفراخ والأوراك؟
- إن كل 100 جرام من لحم الدجاج الصافي يعطى 140 سعرا حراريا و19 جرام بروتين و7 جرام دهون علاوة على فيتامين ب المركب وأملاح الكالسيوم والحديد.
- أفضل أجزاء الدجاج هي الصدور لخلوها من الدهون خاصة لمن لا يرغبون في زيادة الوزن ومرضى القلب.
- أما منطقة الفخذ وعلى الرغم من أن بها نسبة الحديد أكثر من منطقة الصدر إلا أن نسبة الدهون بها عالية.
2- ما الفرق بين البصل الأحمر والبصل الأبيض (البصل الحلو)؟
أولا: من ناحية الاستخدامات المطبخية ...
- البصل الأحمر مناسب لكل الاكلات الفريش اللى مش مطهيه يعنى تحطه على طبق تونا تاكله جنب طبق فول تقطعه على اى نوع سلطه تحطه جوه سندوتشات وهكذا...
وده لأنه مش نفاذ اوى وطعمه مسكر ومقبول، كمان لأنه مش بيدي نتيجة كويسه فى عمليات الطهي بالحرارة لأنه بيسود ويتأكسد.
- البصل الأبيض على العكس تماماً.. ده بقي بتاع الطبخ والتقلية والطشطشة كلها وكمان الكشرى واي طبق بيحتاج بصل مكرمل وكل الوصفات الساخنة عموماً.
ولو جربت فريش هتلاقي طعمه حاد ونفاذ جدا ومش مستصاغ.
ثانياً: الفرق بينهم من الناحية الصحية...
- يعمل البصل الأحمر على خفض كمية الكوليسترول في الدم، كما يمنع تجلط الدم وتصلب الشرايين، ويساهم في منع تكون الخلايا السرطانية، ويدعم جهاز المناعة.
- ما البصل الأبيض فيعتبر مطهرا مهما للفم من البكتيريا والجراثيم، كما يعالج مشكلات الجهاز التنفسي، مثل التهابات الرئتين والأنف والحلق وكذلك القصبة الهوائية.
3- ماالفرق بين سلق الفراخ أو الطيور عموماً وبين سلق اللحمة؟
- يفضل فى سلق الفراخ أو الطيور إن إحنا ننشلها من الشوربة بعد تسويتها مباشرةً قبل ما تبرد حتى .
ده علشان الشوربة يبقى طعمها حلو وفى نفس الوقت الفراخ او الطيور اللى سلقناها طعمها ما يتغيرش.
- أما بالنسبة للحمة العكس تماماً, يفضل طبعاً إن إحنا ما نخرجهاش من الشوربة إلا للإستخدام على طول علشان ما تنشفش مننا.
4- ما الفرق بين الباذنجان الأسود والباذنجان الأبيض؟
أولا: من ناحية الاستخدامات المطبخية ...
- الباذنجان الأبيض يستخدم في عمل المحاشى.
- الباذنجان الأسود يستخدم في الطبيخ والقلى والشواء والمخللات.
ثانياً: الفرق بينهم من الناحية الصحية...
• من حيث المواد المعدنية وبخاصة الحديد الباذنجان الأسود أفضل لعلاج الأنيميا " فقر الدم " من الباذنجان الأبيض.
• ولكن الباذنجان الأسود يحتوي على نسبة عالية من الأكسالات، لذا غير مستحب تناوله بكثرة في مرضى المسالك البولية الذين يعانون من الحصوي.
الباذنجان الأبيض يحتوي على نسبه عاليه من النشويات، لذا غير مستحب في الرجيم.
والى اللقاء في مقال جديد ومعلومات غذائية سريعة على الماشي...
