د. أمير فهمى زخارى
 
👌👌جوزك بيرجع تعبان 
 
جوزك بيرجع زهقان
 
جوزك بيرجع مطحون 
 
 
جوزك لو رجع ونام بينام ودماغه صاحيه وشايل هم بكره....
 
جوزك ممكن ف يوم مايرجعش....
 
جوزك ممكن فيوم ينام ميصحاش...
 
جوزك سندك بعد ربنا...
 
جوزك ممكن تشوفيه بعين تانيه
 
العين اللي هو عايش بيها
 
العين اللي كلها تعب وشقا وعرق ومجهود ومناهده وكفاح ومرمطه وايدين شقيانه 
 
علشان اديكي تكون ناعمه علشان اولادك يكونوا مبسوطين
 
جوزك ممكن يدخل عليكم ف ايده طلباتكم
 
مش مستني غير تخدي من ايده اللي شايله بابتسامه
 
هو كده بالنسبه له تعب اليوم كله راح بسبب الابتسامه
 
جوزك ممكن يدخل البيت ملهوش اي طلبات غير الجزء الصغير من البيت اللي هو واقف سانده بضهره وبتعبه وبشقاه وبصحته وبعمره مش عايز غير حته ينام فيها علشان ينزل يكمل تاني يوم
 
جوزك سترك جوزك غيابه عنك هو غياب روحك
 
تخيلي ثانيه انه رجع ايده فاضيه فطلبتي وقال مفيش... 
 
ساعتها هو اخد مليون سكينه فى قلبه وفى كرامته...
 
تخيلي اولادك قالوا محتاجين شئ هو مش قادر عليه...
 
تخيلي احساس الكسره فى قلبه ايه...
 
جوزك مربوط فى الدنيا لتلبيه طلباتكم
 
ممكن يرجع جايب لكم اللي بتشتهوه وهو ما أكلش شئ وهينزل تاني يوم ومش هيدوق شي من اللي جابه من تعبه وشقاه المهم ان طلباتكم حضرت وانكم مبسوطين
 
ابوس ايدين معاليكي
 
اضحكي ف وشه متكونيش هم علي همومه
 
علشان يقدر يعافر علي همومه
 
هي دي الست السند
 
تخيلي انه مجاش 
 
تخيلي انه مصحيش
 
تخيليها دقيقه وشوفي سقف الستر اللي هيتشال يساوي كام
 
هاينام زعلان فى مره مش هيصحي
 
هاينزل شايل الهم فى مره مش هيرجع
 
هايتعصب في مره يجراله حاجه
 
صدقيني محدش هيخاف عليكي وعلي بيتك واولادك ولا يهتم ولا يجيب طلباتكم غيره .. اياكي تكوني هم علي همه
 
الايام دلوقتى صعبه كوني سند ومتكونيش شوكه في ظهره اللي بيتكسر كل يوم..
 
خواطر ونصائح زوجه اعجبتنى ... ايه رأيكم...