د. أمير فهمى زخارى المنيا
1- عند سلق البيض اضيفي معلقه من الخل الي الماء حتى لا تتسرب محتويات البيض الي الماء عند انكسار القشرة الخارجية.
2- علشان تخلي شفرات الخلاط حاده جدا كل شهر اطحني ملح خشن.
3- النمل عندك وعمال يفتح ويخرم شويه.. خل تفاح مع مايه مغليه ورشي مناطق التجمع بتاع المنبع ها يختفي النمل؟
4- لمنع تسلل النمل الي السكر اضيفي معه عودين من القرنفل.
5- قشر الليمون ده ممكن تعملي فيه كذا حاجه... اجمعيه ويتخلل... او اغليه فى شويه ميه
واضفيه اللى صابون المواعين... او اغسلى بيه السيراميك... او انقعى فيه الملابس البيضا... او حطى عليه شوية خل وتغسلى بيه عيون البوتجاز.
6- توابلك قبل ما تطحنيها حمصيها عشان متسوسش وخصوصا في الصيف وكمان تحتفظ باالطعم بتاعها وستعطي طعم أفضل بكثير.
7- عايزة تشربى شاى مظبوط هاتى برطمان ازاز ولخبطى كم نوع على بعض بيدى لون وطعم خرافة.
8 - لو جيتي تسلقى بيض .. خرشوف .. كرنب .. اي حاجة من الحاجات الي بتطفى شكل الحلة بعد السلق دي .. وعاوزة الحلة ترجع زي ما كانت ..
حطي فيها ماية و حطيها عالنار .. وحطي في الماية قشور لمون .. وبعد ما تاخد غلوتين تلاتة .. اغسليها عادي هتلاقيها رجعت جديدة زي ما كانت.
9- لو عندك بيض بقاله مده في التلاجة وعاوزة تستعمليه وعندك شك ان كان بايظ ولا لاء... هتجيبي البيضة و تجيبي كوباية ماية ساقعة مدوبة فيها معلقة ملح .. و حطي البيضة في الكوباية .. لو طفت على السطح .. تبقي باظت .. لو وقعت وسقطت تحت تبقي بنت حلال واصيلة ولسة كويسة.
10- وضع معلقة من الخشب فوق الاناء عند سلق المكرونة يمنع ماء السلق من التساقط على البوتاجاز وغلق النار وتسريب الغاز.
11- لما يقع منك بيض أو لبن على الارض او على التربيزة بيض نى طبعا اوعى تمسحيه بفوطة... لا امسحيه بمنديل كلينكس وارميه على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل.
12- سلق المكرونة:
في مننا كتير بيضيف الزيت اثناء سلق المكرونة، ظناً منهم أن هذا يمنع التصاقها، علماً أن هذا لا يؤثر تماماً حيث أنه يطفو على سطح الماء دون فائدة، ولتفادي إلتصاق المكرونة، يجب مراعاة تقليبها بعد وضعها بالماء المغلي وخاصة في الدقائق الثلاثة الأولى.
لا يُنصح بشطف المكرونة بعد سلقها حيث يتسبب ذلك في جفافها وبالتالي لا تتشرب الصلصة بالشكل المطلوب، مما يؤثر سلباً على النكهة، ولذلك يُفضل تصفيتها من ماء السلق فقط ثم إعادتها إلى الإناء مرة أخرى لإضافة الصلصة، ويراعى عدم التخلص من ماء السلق حيث يمكن إعادة إستخدامه لعمل الصلصة مما يعطي مذاقاً أطيب وأغنى.
13- لو عندك تى كاتيل استانلس ستيل بتعمل طبقه جير ابيض كده وساعات قشور بيضا من جوه... ملعقتين صغيرين ملح ليمون ومع نص كوب ميه وشغلي الغلاية بعد ما تغلى سيبيها شويه تبرد وتتنقع وبعدين اغسليها بالصابون العادى... حتلاقيها بتلمع زى الجديدة.
14 - لو عندك سيراميك فى المطبخ او الحمام سواء فى الارض او الحوائط لو الفواصل الجبس اتوسخت ولونها اتغير اخلطى مايه سخنه على ملح لمون ويتنضف ب فرشاه الارضيات هيرجع كأنه جديد.
15- لإزاله رائحة الأكل من الثلاجة ... قومي بوضع بطاطس بدون قشر فيها، فهي تقوم بامتصاص الروائح منها.
وللحديث بقية من نصائح علميه فى المسائل المنزلية... تحياتى.
د. أمير فهمى زخارى المنيا
