د. أمير فهمي زخارى
1- بديل البيض لدهن الفطائر:
معلقتين طعام بودرة لبن في كوب صغير ماء دافئ ورشه قليله جدا نسكافيه.. يتم مزجهم مع بعض لدهان الفطائر قبل دخولها الفرن.
وممكن دهان سطح الفطائر بقليل من العسل الأسود.
2- شرائح الليمون أو شويه فانيليا ف الزيت مع السمك، هتفرق كتير أوى في ريحه الظفارة الناتجة عن قلى السمك.
3- قبل ما تحطوا الكاكاو للكيك انخليه علشان ما يعملش تكتلات.
4- استعمالات الخل في المطبخ:
- محلول النقع بنحط لمون ماينفعش خل.
- الخل بيخلى الفراخ تشد بيفرتك الفراخ لكن بتشد.
-استبدلوا الخل بالليمون فى غسيل الفراخ لان الخل بيثبت الزفاره ما بيضيعهاش وفى تنضيف الممبار كمان بلاش خل حطوا ملح وليمون وقشر الليمون.
- الخل ممكن نضيفه للكبده للبطاطس معلقه منه على الكيك وفى الشاورمه.
- الخل كمان ممتاز فى التنضيف وفى القضاء على النمل, حطى شويه على البريل.
-أعملى ازازه بخاخ حطي فيها بريل على شوية خل وكملي شوية ميه هيوفر جدا فى البريل او النوع الى بتستعمليه.
- لو هتسلقي اللحمة، ضيفى نص معلقة خل بتساعد على سواها بسرعه وكمان بتضيع الطعم شويه والريحه للناس الى مش بتحب ريحتها.
5- عند شى السمك، ضعى تحته حلقات من الليمون لكي يمتصه أثناء الشواء ويحتفظ بقوامه ولا يتفكك.
6- عند قلى السمك، ضيقي لزيت القلي قشر الليمون الطازج يعطى للسمك مذاقا وطعما جميلا.
7- البطاطس الغامقة تمتص الزيت، يفضل استخدامها للطبخ.. البطاطس الفاتحة مليئة بالنشا ولا تمتص الزيت لذا تفضل للقلى.
8- ضعي البطاطس قبل القلي او الطبخ فى ميه وملح عشان متسودش.
9- لو خزنتي الكرنب ورق بعد ما تحشيه، أسقيه بشوربة سأقعه علشان ما يجلدش.
10- ورق اللورا بيساعد على تفتيح لون انسجة الفراخ وانتى بتسلقيها.
11- لو بتقطعي خضره او اى حاجه خضرا ورقيه حطي على لوح التقطيع رشة ملح علشان ما تتطايرش منك.
12- دايما زودي مع الزبدة شويه زيت اثناء الطبخ عشان الزبدة ممكن تتحرق.
13- رشه سكر على اى تشبيكه طماطم بتعادل حموضه الطماطم وتخليها خفيفة على القلب.
14- عشان تسرعي سوا اللحمة زودي نواه تمر مش هتأثر على الطعم نهائي وهتخلي اللحمة دايبه دوووب.
15- للمحافظة على الأجبان أطول قتره ممكنه... نقوم بتغليفها بكيس بلاستك كعازل للرطوبة أو بورق الألمونيوم، وبذلك يضمن المحافظة عليها لشهرين الى أربعه أشهر بعد تاريخ الإنتاج.
وللحديث بقية من نصائح علميه فى المسائل المنزلية... تحياتي.
