د. أمير فهمى زخارى
إحمي نفسك وأولادك من السرطان ...
للوهلة الأولى قد يتبادر إلى ذهن القارئ أننا في صدد الحديث للتشكيك في جودة اللحوم المستخدمة لتصنيع اللحوم والتشكيك في مدى صلاحيتها للإستخدام الاّدمي وعن كونها لحوم حمير أو فئران أو حيوانات يتم فرمها كاملة بجلودها وعظامها وأحشائها للحصول في النهاية على خليط من المعجون يسهل تشكيله في صور مختلفة كاللانشون، السوسيس و ...... إلخ
وبالرغم من أن معظم ما سبق قد يكون صحيحا!!
وتقدر تتأكد لما تشوف الفيديو ده https://m.facebook.com/story.php?story_fbid=1867516859943113&id=1155031354525004
إلا أنه ليس هذا محور حديثنا اليوم!!
إذن فقد يتبادر إلى ذهنك أننا في صدد الحديث عن عدم مراعاة الشروط الصحية للمصنع والعاملين به كالنظافة والتعقيم وضمان عدم وجود حشرات بشتى أنواعها في أماكن التصنيع والتغليف وعدم وجود رقابة بشكل كافي.
فبالرغم من أن معظم ما سبق قد يكون صحيحا!!
إلا أنه ليس هذا محور حديثنا اليوم!!
فليكن من المتوقع أن يكون الحديث عن سوء التخزين وعدم الثقة في مصانع منتجي اللحوم في أن ما يتم رجوعه للمصنع بعد إنتهاء فترة صلاحيته يتم إعادة تدويره وإضافته مرة أخرى للإنتاج الجديد.
ولكن أيضاً بالرغم من أن معظم ما سبق قد يكون صحيحا!!
إلا أنه ليس هذا محور حديثنا اليوم!!
فلنفترض أن اللحوم المستخدمة ذات جودة عالية،
وأن المصانع تراعي الإشتراطات الصحية للمصنع والعاملين به،
ولنفترض أيضاً أن المنتجين عندهم ضمير واللي صلاحيته بتنتهي بيعدموه،
ولنفترض أنك تثق في منتجات شركة بعينها وضامن إنهم بيراعوا ربنا فينا!!!؟؟؟؟
مما لا شك فيه أن منتجي اللحوم المصنعة يُريدون أن يجعلوا المستهلك مُغرم بشكل ولون وطعم ورائحة منتجاتهم من اللحوم المصنعة وفي نفس الوقت يُريدون أن تكون فترة صلاحيتها طويلة مما يتيح لهم ضمان عدم فساد المنتج بشكل سريع ليسهل توزيعه في جميع محافظات مصر وأحياناً للتصدير،
وبعد محاولات عديدة لم يجدوا أفضل من إضافة مادة ⬇
النيترات (Nitrates) والنيتريت (Nitrites ) لكي يقوموا بكل هذا ،
وللتأكد من صحة هذه المعلومة إذ ينتابك الشك يُمكنك التوجه إلى أقرب سوبر ماركت ثم التوجه إلى قسم اللحوم المصنعة لتجد جميع عبوات كل أنواع اللحوم المصنعة بشتى أنواعها مسجل على الغلاف الخاص بها أسماء هذه المواد أو الأكواد العالمية التي تُعبر عنها وهي E249 أو E250 أو E251 أو E252.
ولكن ما الضرر من إضافة هذه المواد الحافظة ؟؟؟
عند إضافة هذه المواد إلى اللحوم أثناء تصنيعها تتفاعل مع بعض الأحماض الأمينية الثانوية الموجودة بطبيعة الحال ببروتينات اللحوم لتكون النتيجة تكون مادة مُسرطنة تُسمى نيتروزامين (Nitrosamine)..
وهذا ما تم تأكيده تحديداً في شهر أكتوبر لسنة 2015 من قِبَل منظمة الصحة العالمية وهيئة الغذاء والدواء الأمريكية نتيجة أكثر من 800 دراسة تم إجرائها على اللحوم المصنعة،
والأدهى من ذلك أنه تم إدراج اللحوم المصنعة من قِبَل منضمة الصحة العالمية WHO) ) على قائمة المجموعة الأولى من مسببات السرطان ، مما يعني أنه يوجد الكثير من الدلائل المؤكدة نتيجة الدراسات والتجارب والأبحاث العلمية والطبية مما لا يدع مجال للشك أن اللحوم المصنعة بكل تأكيد تؤدي إلى الإصابة بالسرطان.
↩ وبعد كل ده برضو بتلاقي واحد فاكر نفسه ناصح ويقولك ⬇
أنا بآكل لحوم مصنعة من زمان ومحصليش حاجة ومجاليش سرطان الحمد لله ... بطٌلوا بقي أرفتونا وكرهتونا في كل حاجة ☹
وهرد عليك بنفس الإجابة للمرة المليون /
مش كل الناس زي بعضها وفي حاجة اسمها عوامل الخطورة، وكل ما زادت عوامل الخطورة، كلما أصبح الشخص أكثر عُرضة للإصابة بمرض السرطان عن غيره، والأطفال أكثر عُرضة للإصابة أكتر من الكبار لإن الجهاز المناعي عندهم لم يكتمل نموه.
ولو كلامك صح يبقى معنى كده إن التدخين لا يؤدي إلى الإصابة بالسرطان بدليل إني أعرف ناس كتير بتشرب سجاير من زمان ومجلهاش سرطان .
اتمنى تكون الرسالة وصلت ...
↩ وبعد ده كله برضو تلاقي نفس الشخص بيستنصح ويقولك ⬇
أنا بشتري لحوم مصنعة بتاع شركة مضمونة ( ح ... ني )
لكن المرة دي أنا مش هرد عليك عارف ليه؟؟
لإنك لما تقول كده بعد اللي قلناه يبقى الكلام مفيش منه فأيده ...
↩ برضو تلاقي نفس الشخص اللي فاكر نفسه ناصح يقولك ⬇
أحنا مش بناكل اللحوم المصنعة دي كل يوم، بس علشان الأولاد بيبقى نفسهم فيها فممكن مرة كده كل اسبوع
الإجابة / مرة زي عَشرة، علشان خاطر أولادك بلاش أرف،
ولو نفسهم في اللانشون والبرجر ممكن يتعمل في البيت عادي ومفيش أكتر من قنوات الطبخ والوصفات اللي على الإنترنت..
وهيبقى أنضف وطعمه أحلى كمان،
بس بلاش نجيب البهارات بتاع اللحوم المصنعة من عند العطار (اللي غالباً بتكون فيها نيترات ونيتريت)
لإن في الحالة دي كإننا معملناش حاجة..
↩ وصلنا للسؤال الأساسي اللي دايماً بيطرح نفسه ⬇
لما هوة كده، ليه الحكومة متقفلش المصانع دي، وإزاي سايبينهم يدٌمروا صحتنا وصحة أولادنا؟؟؟
الإجابة / نحن نعيش في عالم مُنفتح وكل شيء فيه موجود قدامك وانت براحتك عقلك في رآسك تعرف خَلاصك، هو ده النظام العالمي، بدليل السماح لوجود مصانع الخمور والسجاير وحتى المخدرات بقت متوفرة ويَسهُل الحصول عليها، وعلشان كده النصيحة الأساسية اللي دايماً بنقولها ... متراهنش على حد إنه هيخلي باله من صحتك وصحة أولادك غيرك انت
الرزق مش فلوس وبس ... صحتك وصحة أولادك رزق،
واحمد ربنا إنك عرفت الحقيقة قبل فوات الأوان.
فلتكن هذه اللحظة هي بداية النهاية لتناول اللحوم المصنعة.
اللهم بلغت.. اللهم فاشهد
ربنا يحفظنا ويحفظ أولادنا ويبارك فيهم
ربنا ينفع بينا ويجعلنا عند حُسن ظن الجميع
ربنا يحفظ مصر
المراجع:
اساسيات التغذية السليمة...د/ ذكري سُليمان
- برنامج توعية
ده لينك حلقة كاملة عن اللحوم المصنعة لو حبيت تعرف معلومات أكتر.. https://youtu.be/X93-zWeBBqg
ودي كل المراجع والمصادر التي تؤكد صحة كل ما قيل ⬇⬇️
Reference
https://www.cancer.org/.../world-health-organization-says...
http://scienceblog.cancerresearchuk.org/.../processed.../
http://www.who.int/features/qa/cancer-red-meat/en/
https://www.wcrf-uk.org/.../limit-red-meat-and-avoid...
http://cancerprogram.weebly.com/nitric-oxide-no.html
http://marycollis.net/nitrates-nitrites-nitrosamines.../
-----------------------------------------------------------------------------
ولنا لقاء آخر في أزمه ضمير...
