كشف الفنان هشام ماجد، عن سبب إنفصاله فنيًا هو والفنان شيكو عن الفنان أحمد فهمي.
وفي لقائه ببرنامج "أسرار" مع الإعلامية أميرة بدر والمذاع عبر فضائية "النهار" مساء الأربعاء، قال ماجد إن سبب الانفصال هو اختلافنا في كتابة سيناريو فيلم "الرجل العناب".
وأضاف الفنان: "لما جينا نعمل فيلم الرجل العناب بعد ما عملنا سمير وشهير وبهير، عشان ما يحصلش خلاف في الكتابة اتفقنا إن فهمي هو اللي يكتب الفيلم مع المؤلف شريف نجيب".
وتابع: "كنا خلاص عملنا المسلسل وقررنا إن إحنا نعمله فيلم في 2015، فهمي لما كتب الفيلم أنا وشيكو كان عندنا اعتراضات في حاجات في الفيلم عايزين نعدلها، فهمي وقتها حس إن ده عدم تقدير ليه، فقررنا إن إحنا مانعملش الفيلم سوا، وسط القفش ما بينا فهمي كرر إن هو مش هييشتغل معانا وهيشتغل لوحده".
وواصل ماجد: "كان بقالنا كتير بنتخانق في حاجات كتيرة طول الوقت مفيش فرقة فنية ولا موسيقية مش بيتنخانقوا، ومحدش في بيكمل في الآخر".
وعن احتمالية عودة الثلاثي مرة آخرى، أجاب هشام ماجد بالقول: "مقدرش أقول أننا هنرجع، أحب إن إحنا نعمل حاجه مع بعض بس ما أقدرش أقول إحنا هنرجع، مش هتحصل تاني أبدًا علشان خلاص إحنا مابقيناش فرقة لسه طالعين كل واحد جرب يبقى لوحده ونجح في حاجات لوحده".
