كتب - محرر الاقباط متحدون
قال دياكون ديسقوروس :" زي النهارده من حوالي ثمانية اعوام كان سيدنا أنبا بيشوي "أسقف دمياط وكفر الشيخ المتنيح" ، تعب فجأه ودخل المستشفى.
مضيفا عبر حسابه على فيسبوك :" مش هاتكلم عن طابور المحبة من ولاده اللي كانوا بيطمنوا عليه .. لكن انا فاكر كويس اوي ابتسامته الحلوة وضحكته وهو بيطمنا على صحته .. وفاكر ازاي بوجه مرهق فتح موضوع لاهوتي كنا بنتكلم فيه قبلها بكام يوم وكان بيناقشنا فيه .. كان مركز اوي وبيتناقش ويشرح وهو على فراش المرض .
وتابع :" عند دخولنا كان يبدو اثار المرض على وجهه .ويحدثنا بصوت واهن اعياه المرض وكثرة الأدوية . وبعد لحظات كان وجهه قد أضاء والتمعت عيناه واكتسب صوته قوه معهوده فيه ويتحدث بكل قوه وهو يشهد ويشرح مفاهيم لاهوتية .
كما اضاف :"الوقت كان يمر بالساعات والشرح يزداد حماسة وقوه وإعلان ايمان من نيافته وكأن المرض وآثاره تتراجع خجلا من قوه سيدنا وإصراره
كان يكرز ويعلم في كل وقت وأي وقت وكل مكان وكل مكان .
واختتم :" كان فقط يشهد لارثوذكسيتنا وإيماننا
اذكرنا امام عرش النعمه أبانا الطوباوي حامي ايمان كنيستنا القبطية الأرثوذكسية،الانبا بيشوي الشاهد الامين للارثوذكسية.
