هو ليه السما بنشوفها زرقاء رغم انها ملهاش لون ؟؟؟

اصلا السما ملهاش لون ، يعني علميا هي عباره عن فراغ معتم كاحل او ( colorless ) ايه اللي يخلينا نشوفها زرقاء ؟!! و الشمس دي نجم متوهج ابيض اللون اصلا لو بصينا عليها من برا كوكب الارض، ليه نشوفها صفرا ومياه البحر ليس لها لون اصلا .. ليه بنشوفها ازرق ... تعالوا نعرف الاجابه..

السبب بقي يا سيدي يكمن في الغلاف الجوي ، ايوا يكمن .. احنا خدنا زمان ان الضوء الابيض ده فيه ٧ الوان اللي هما الوان الطيف السبعه... فاكرين الوان قوس قزح اللى ليظهر بعد المطر فى السماء .. 

 

اهو الضوء الابيض اللي جاي من الشمس ده بيجي عند الغلاف الجوي ويتحلل .. الغلاف الجوي بقي بيعدي الالوان الي ترددها منخفض بسهوله اوي .. اللي هي الاحمر والبرتقالي والاصفر فـ بتخترقه عادي جدا .. تيجي الالوان اللي ترددها عالي تعدي زي الازرق والبنفسجي يقولها معلش استوب ، حضرتك هتنتشري بالعرض 

 

فيبدا اللون الازرق ينتشر عرضيا في السماء و ده خلانا نشوفها زرقاء.

 

و ده نفس السبب اللي خلانا نشوف لون الشمس صفرا لان اللون الاحمر والاصفر والبرتقالي ترددهم قليل فوصلولنا بسهوله متشتتوش فشوفناهم بوضوح.

 

نيجى بقا للون مياه البحر وهو الازرق.. والسببٍ أنَّ المياه تعكس الضوء الممتص من أشعة الشمس، والتي تحوي ألوان الطيف المرئي جميعها وحين تسقط على مياه البحر ينعكس بعض ألوان الطيف وتخترق الألوان الأخرى المياه، فعند دراسة الطيف أُكتشف بأنَّ طول موجة الضوء يتناقص ويزداد اختراقهُ بدءًا من الطيف الأحمر وحتى البنفسجي والمُرتبة بالشكل التالي:

الأحمر.

البرتقالي.

الأصفر.

الأخضر.

الأزرق.

النيلى.

البنفسجي.

 

ونتيجةً لذلك تمتص مياه البحر الألوان السابقة وتعكس لوني الأزرق والبنفسجي مما يجعل مياه البحر زرقاء...

 

والى اللقاء فى معلومه جديده..تحياتى