️ممدوح الديري
شغلاني الدنيا ياربي والاقيني ببعد عنك....................................................
انا عايزك تملك قلبي دي سعادتي في قربي منك
مره بتشغلني بشهوة وكتير أنا بهرب منك
وافكر في المستقبل يشغلني وابعد عنك....................................................
شغلاني الدنيا ياربي واتريها بخار وسراب...............................................
عايش في الضيق أنا فيها والبخل شديد ياتراب
وانا بجمع وكنز فيها والموت واقف والباب
غلطان والغلطه اداريها بلسان حلو وكداب...............................................
شغلاني الدنيا ياربي فاكر هنجح من غيرك............................................
بجري واسابق عمري وتملي بنكر خيرك
وانا لما انجح في حياتي اتغر واعيش من غيرك
فاكر ناجح من ذاتي لا ياقلبي راعي ضميرك...............................................
شغلاني الدنيا ياربي وانا عايش في الأتعاب...............................................
وبجاري الكل في دربي بوصل علشان كداب
او مره ابيع في ضميري والدنيا تفتح باب
وبدوس عالخلق واخطي بنسي كل الاحباب..............................................
شغلاني الدنيا ياربي عايز أنا ابقي معاك...................................................
اندهلي وقولي تعالي أنا عايز اكون وياك
تملك دايما علي قلبي وياماحلي العشرة معاك
اتمتع قوي بحياتي لما اعيشها برضاك................................................
شغلاني الدنيا ياربي ارجوك افتحلي الباب....................................
ارجع لاحضانك تاني ولا اعيش تاني في عزاب
مين غيرك انت ياربي هيشيل عني الأتعاب
ابنك تايه في دربي ورجعلك بيقول تاب.....................................................
✍️ممدوح الديري✍️
