تسببت الفنانة هلا السعيد في جدل كبير بالساعات الماضية، وذلك بعد تعرضها للتحرش من قبل أحد سائقي أوبر، وكشفها لتفاصيل الواقعة.
وقالت هلا السعيد في تصريحات خاصة لـ"بصراحة الإخباري": "أنا الحمد لله كويسة وأكيد دي حاجات ميتسكتش عليها وهقدم بلاغ ضده".
وتابعت هلا السعيد: "أنا أكتر حاجة ضايقتني تعليقات الناس ودفاعهم عنه.. أنا لما طلعت في الفيديو مكنتش مرتبة الكلام وطلعت قولت التفاصيل من غير ما أرتبها.. أنا كنت ملبوخة ووقفا لوحدي في طريق الضبعة يعني الصحراء".
وكشفت هلا السعيد لـ"بصراحة" تفاصيل الواقعة: "هو وقفني قالي هبص على العربية علشان سخنت.. ولقيته راح ناحية الشنطة مش الكبوت.. وفتح البنطلون وقلع الحزام ولقيته بيطلع حاجة زي مطوة أو آلة حادة.. أنا لو كنت وقفت الله أعلم كان أيه هيحصل ونزلت أجري من العربية".
واستطردت هلا السعيد: "وأنا نزلت أجري ووقفت العربيات.. ولما لقاني بوقف العربيات قالي أنا عندي السكر علشان يدافع عن نفسه.. وأنا طلعت موبايلي وكلمت حد".
التحرش بهلا السعيد '>تفاصيل التحرش بهلا السعيد
ونشرت هلا السعيد عبر صفحتها الرسمية بموقع تبادل الصور والفيديوهات "إنستجرام" فيديو لها، وعلقت عليها قائلة: "سواق أوبر حاول يتحرش بيا والحمد لله عدت على خير.. أنا قلت بعد اللي حصل بقى في بوليسي جديدة وفي تسجيل في العربية.. بس واضح أن مفيش فايدة.. أوبر الشركة نفسها لازم يتحاسبوا.. لقيته بيقلع البنطلون".
وقالت هلا السعيد: "فجأة سواق أوبر وقف في الطريق في محور الضبعة وفجأة قالي أن العربية سخنت.. ببص ورا لقيته بيفك الحزام بتاع البنطلون ونزلت أجري من العربية لقيته بيقولي متخافيش متخافيش.. أنا بس عندي السكر ولازم كل شوية أدخل الحمام فمعلش متخافيش".
وأضافت هلا السعيد أنها نزلت من السيارة، وفرت هاربة، وأكدت أنها أثناء هذا الموقف أجرت مكالمة هاتفية لأحد أصدقائها، وقالت له أنها أرسلت له موقعها، لافتة أن هذا تسبب في قلق وخوف لسائق الأوبر.
آخر أعمال هلا السعيد
وجدير بالذكر أن آخر أعمال هلا السعيد جاءت من خلال مشاركتها في مسلسل "حدوتة منسية"، وأيضًا "المداح 4".
