ديڤيد ويصا
بصورة شخصيّة سابِت بصمة مش هتتشال ..
واكرمهم قُدّام كل الناس، في حياتهم!
--
النَّهرده عاوز اكتب عن شخص جديد ..
اضُمُّه لقائمة الناس اللي عاوز اكرمهم ..
هو القسيس عزيز رزق الله (المعروف بـ "زيزو") ..
إحنا عمرنا ما اتقابلنا، لكن من شهور قليلة بدأت اتابعه ..
واتابع عظاته اللي بيقدّمها أسبوعيًّا ..
مفيش مرّة الله مكلِّمنيش من خلال عظاته ..
مفيش مرّة شتّيت أو سرَحت وهو بيتكلّم ..
رغم ان عظاته مش بتقل عن ٤٥ دقيقة، وممكن تزيد ..
وده بيتحدّى الموضة اللي بتقول:
إننا مش بستحمل وعظ اكتر من نُص ساعة!
--
شخص غطسان في كلمة الله، مش بيقدّم كلام سطحي ..
وفي نفس الوقت غطسان معانا في تحدّياتنا وصراعاتنا ..
بيقدّم حق نقي بحسب كلمة الله، بدون أي مساومة ..
لكن بيقدّمه بطريقة بسيطة وعميقة وعمليّة، تناسب تحدّياتنا ..
شخص بيفصّل كلمة الحق باستقامة، وعن دراسة وفهم ..
كل مرة بسمعه بيتحدّاني عشان اسأل نفسي:
هو انا فعلًا عايش الحياة المسيحيّة اللي بتعلّمها وبوعظ بيها ..
ولا انا مُجرّد شخص بيدرس ويعلّم، لكن مش عايش حاجات كتير؟
هو انا فعلًا شخصيّتي بيتحفِر فيها صفات الرب يسوع ..
ولا انا مُجرَّد شخص وقف تشكيله واكتفى بمحطّة في رحلته؟
--
قسيس عزيز (زيزو) ..
نفسي اقولَّك مع بولس:
"لا يستهِن أحد بحداثتك ..
بل كُن قدوة للمؤمنين (وانت كده فعلًا) ..
اُعكُف على القراءة والوعظ والتعليم ..
لا تهمل الموهبة التي فيك ..
اهتم بهذا. كُن فيه، لكي يكون تَقَدُّمَك ظاهرًا في كل شيء ..
لاحظ نفسك والتعليم، وداوِم على ذلك" (١تيم١٢:٤-١٦)
الرب يحفظك ويباركك ويثمر فيك وبيك، في حياتك وللأبد!
آمين!
