بقلم جورج حبيب
يا اللي بادي يومك مكشر
شايل من الدنيا وبجنبيك محشر
مقفل عنيك ولها مغمض
تشتكي من فلان وعلان
وكأن ربنا عنك غايب غفلان
ولابس نظارة سودا علي عنيك
لا ضوء أبيض ولا آمل
والدنيا مقفله والهم جبل
ياخونا إفرد وشك وفرفش
هتتحل والعقد هتتفركش
هو انت ناسي انت مين
يا اخي دا انت ابن الخالق والمعين
في لحظه يحل ويحرق شياطين
وبص علي حياتك في اللي فات
عمل ايه ربنا كتير وياك
يا خساره يا ابن آدم بتنسي
ولا شكرت وقلبك حجر يقسي
المهم قوم كده وفرفش
وصلوه حلوه ومع ربنا دردش
هتشوف الخير كتير
وكله يعدي ودا موش كتير
دا الضلمه بعدها نهار
صحصح واوعي تنهار
افرح وارفع راسك بانبهار
