كتب - محرر الاقباط متحدون
ضبط خريجة أدت الامتحان بدلا من طالبة سافرت للحج.. علقت الكاتبة ماجدة سيدهم على واقعة ضبط خريجة أدت الامتحان بدلا من طالبة سافرت لأداء مناسك الحج.
وكتبت سيدهم عبر حسابها على فيسبوك :"الحقيقة كل اللي شاغلني سؤال للطالبة اللي نقح عليها تروح تحج وتتغسل من ذنوبها وترجع بيضة زي الفل هو مين اللي اقترح عليكي بالفكرة الجهنمية دي، فلو طلع الوسواس الخناس هو اللي وسوس لك بالغش والكدب والنصب والاحتيال وقلة الاخلاق والضمير ..يبقا انتي رايحة ترجمي مين ..؟! وطبعا لو ماكنش الامر اتكشف كنتي ها تكملي حياتك عادي وهاتكبري في شغلك ويمكن تمسكي منصب مهم كمان وهاتحجي تاني وعاشر عادي خالص .
وتابعت :" غيرك عملها كتير .أنتي بس اللي حظك وحش وشيطانك مش خبرة ..يعني كنتي ظبطيها صح .. عموما الف مبروك ياحجة .. حج مبرور وذنب مقفوش على كل السوشيال ميديا.
