د. امير فهمي زخاري
كل امرأة بتشتكي من آلام شديدة جدا أيام الدورة الشهريه.
فالحل اللي بيلجأ ليه أغلب الناس إجري هات مسكن!
ميعرفوش انهم بيرتكبوا جريمة في حق انوثتهم!!!
دراسة حديثة أجريت علي ١٥٠ إمرأه سليمة ومعندهاش أي مشاكل تمنع الحمل..
طب يا سيدي عملوا إيه في الدراسة دي!!
استخدموا ٣ مواد فعالة من مضاد الالتهاب (المسكنات) الغير ستيرويدية بعد الدورة بعشرة ايام
استخدموا الأدوية اللي بتحتوي على المواد دي معاهم لمدة عشر أيام وهى:
1- الديكلوفيناك (كتافلام - كتافاست – أرثروفاست الخ).
2- النابروكسين.
3- الايتوريكوكسيب.
لكم أن تتخيلوا إن النساء اللي...
- بعد اخد الديكلوفيناك (كتافلام -كتافاست الخ) انخفضت نسبة التبويض بنسبة ( 93,7) يعني تقريبا كل ١٠٠ إمرأة لم يحدث تبويض إلا ل٦ منهم فقط.
- والنابروكسين قللت نسبة التبويض إلي ال ¼ يعني من ١٠٠ بنت ٢٥ بس هم اللي بيحصل لهم تبويض.
- الايتوريكوكسيب جعل نسبة التبويض 27,3.
طب فهمنا يا سيدي ايه السبب في كده!!
عندنا سببين مباشرين يجعلوا المسكنات دي تمنع التبويض:
1/آلية عمل مضادات الالتهابات (المسكنات) دي هي أنها بتعمل
بتمنع من افراز ماده أسمها بروستاجلاندين ال بتلعب دور مهم وواضح في عملية التبويض .
طب المسكن بيروح يعوق إصداره ليه!!
لان ال بروستاجلاندين عند تعرض الجسم لأي مسبب من مسببات الالم بيبدأ يشعرك بالألم بشدة ودرجة عالية عشان تحارب سبب الالم وتحمي جسمك، لمجرد ما امنع أو اقلل تكوينه الآلام بيقل.
غير أن المسكنات دي بتقلل من نسبة البروجسترون المهم جدا لحدوث الإباضة وكمان بيساعد البويضة المخصبة علي التعلق في الرحم.
2/ المسكنات دى بتمنع طلوع البويضه من جرابها بمعنى
بتعوق نمو البصيلات أو جريبات المبيض اللي لازم يتم نموها كل شهر عشان تتمزق وتطلق البويضة لحدوث الإباضة
فيه إحصائية بتقول أن ⅓ النساء اللي بتستخدم المسكنات دي بتكون اكياس دم لعدم تمزق جريبات المبيض.... وبيكون تكيسات المبايض...
كمان فيه تجارب أجريت علي الاسبرين aspirin بتاكد أن له نفس تأثير المسكنات اللي فوق دي.
طب انت دلوقتي يا دكتور قفلتها في وشنا وما جبتلناش حل بديل لده!!
طبعا فيه بدائل كتير آمنة ومفعولها أفضل:
1- استخدام مضاد التقلصات واللي أغلبهم مكوناتهم من النباتات الطبيعية فيها مواد فعالة آمنة زي الهيوسين اللى موجود في الصيدليات باسم بسكوبان ( Buscopan ).
2- mefenamic acid مسكن فعال بشكل كويس جدا وأكثر أمانا... موجود في الصيدلية باسم بوناستان مقوى (ponstane forte).
3- وفيه كمان اقراص سبازموبيرالجين ( الأقراص البنى)..وأقراص فيسرالجين...
3- البيريدوكسين أو pyridoxine وهو فيتامين ب6 للدورة الشهرية:
يُشكل فيتامين ب6 أحد أهم الفيتامينات التي تخفف إلى حدٍ كبير الأوجاع والأعراض والعلامات التي تسبق فترة الدوره لدى النساء، والتي تؤثر سلباً على الجسم، بما في ذلك الصداع، والتقلبات المزاجية، والتشنجات والتقلصات الرحمية، والأوجاع التي تصيب منطقة البطن، والجزء الأسفل من الظهر، كونه يضبط عمل الهرمونات في الجسم، ويقي من اضطرابها خلال هذه الفترة، ويمنع بالتالي التعرض للعديد من المشاكل التي ترافق هذه الفترة، لذلك يوصى بتناول جرعة لا تقل عن خمسين جراماً من هذا الفيتامين إلى جانب مركبات فيتامين ب الأخرى التي من شأنها أن تحقق هذا الغرض.
4- كمان فيه مشروبات مستخلصة من النباتات الطبيعية مفعولها مطابق زي
(الزنجبيل/القرفة/. القرنفل/النعناع/ البابونج (مهدئ قوي) /+ الفراولة والموز) ...
يارب نسمع الكلام وننفذه..
المصادر:
med scape and web med وموجود علي up to date
https://www.google.com.eg/url?sa=t&source=web&rct=j&url=http://www.medscape.com/viewarticle/846552&ved=0ahUKEwjvtfr54_LVAhUHKVAKHT5ODqYQFghUMAs&usg=AFQjCNHYy0DO8VrClLLCafZ59FYoqrvWiw
https://www.google.com.eg/url?sa=t&source=web&rct=j&url=http://www.webmd.com/women/news/20150617/nsaids-women-fertility&ved=0ahUKEwjvtfr54_LVAhUHKVAKHT5ODqYQFghhMAw&usg=AFQjCNHQuXCnZFAMKYveIkU3Ds13hdKEtw
elghannam_cogno
natural_treatment
herbal_cosmetics
