د. امير فهمي زخاري
1- لو كتبله ادويه فيها سلفا وماقلوش اشرب ميه كتير اثناء فترة العلاج
لان مركبات السلفا بتتركز في الكلي وممكن تسبب التهاب كلوي وحصوات.
2- لو كتبله مضاد حيوي من مجموعة سيبروفلوكساسين ونسي يحذره من الخروج والتعرض للشمس اثناء الظهيرة لان اثناء فترة العلاج بالأدوية دي بيكون المريض عنده حساسيه لضوء الشمس وممكن تسببه حروق الوجه والجلد وتؤذي العين.
3- لو كتبله مضاد حيوي اسمه زيثروكان او زيثروسين او مجموعة الماكروليد ونسي يقوله تاخدها بعد الاكل بساعتين لأنه لو اخدها بعد الاكل مباشرة هيفسد مفعولها.
4- لو كتب لابنك مضاد حيوي زي هاي بيوتك او اوجمنتين شراب او اي حاجه بنفس تركيبتهم ونسي يقولك احفظه في الثلاجة مباشرة بعد الحل لأنك لو نسيته بره الثلاجة هيبوظ عالطول ولازم ترميه اول ما لونه يتحول من الابيض للأصفر الغامق.
5- لو كتبلك اقراص مضادة للالتهابات بيكتبها كتير من اطباء الاسنان والعظام وتخصصات اخري اسمها الفانترن أو أمبيزيم ونسي يقولك تاخدها قبل الاكل بساعه او بعد الاكل بساعتين لان اقل من كده مش هتستفيد منها نهائيا لأنها اذا اتاخدت مع الاكل هتحلل البروتينات اللي في الاكل بدل من البروتينات المسببه للورم فلازم تكون المعدة خاليه.
6- لو الدكتور او الصيدلي أعطاكى حاجه مسكنه للألم والصداع وخصوصا بعد الولاده من مجموعة ديكلوفيناك زي كتافلام او مجموعة كيتوبروفين زي باي بروفين ونسي أنك بترضعي وخصوصا لو طفل حديث الولادة
لان الأدوية دي هتسبب لابنك ارتجاع وحرقان ومغص وانتفاخ وهايفضل يبكى كل ما ترضعيه وهتدوخي عشان تعرفي ايه السبب وانتي السبب.
7- لو كتبلك دواء مسكن بروفين ونسي يسألك هل بتاخد اي نوع اسبرين للسيولة ام لا
لان البروفين بيلغي تأثير الاسبرين فلو كنت مريض بالقلب او الضغط ومحتاج تأثير الاسبرين ما تاخدش معاه بروفين في نفس الوقت.
8- لو بتاخد دواء للسكر زى الاميريل وبتاخد اسبرين علشان القلب ... يجب تعديل جرعه دواء السكر بالنقصان والا هتصاب بغيبوبه نقصان سكر الدم...
معلومات هامه جدا ياريت تشاركوها لكل الناس... وللحديث بقيه.
اتمنى لكم الصحة والعافية.
