حكى الفنان أحمد جمال تفاصيل حادث السير الذي وقع قبل أيام ووجه له اتهام صدم شخص بالخطأ على طريق الفيوم الصحراوي.
وخلال لقائه ببودكاست "فايق ورايق" مع إبراهيم فايق أكد أحمد جمال أنه لم يخطئ وأنه ظل متواجدا إلى جانب الشخص المصاب حتى اطمأن عليه وهو الآن في حالة جيدة.
وحكى أحمد جمال تفاصيل ما حد قائلا: "والله أنا مليش ذنب، أنا ماشي بالعربية على الحارة الشمال استعدادا إني هلف يعني جنبي الحاجز اللي بين طريقين ومفيش مهرب، الحارات اللي جنبي في اللي أسرع مني فـ اللي بيعدي مش باين".
وتابع أحمد جمال: "في راجل كبير كان لابس جلابية وكانت حركته معطلاه، كان جاي من الناحية اليمين وعشان يهرب من ميكروباص جاي بسرعة راح جاري فجأة، وأنا فجأة لقيته قدامي، أنا تفاديته على قد ما أقدر عشان مخبطش في الحاجز الخرساني، هو مخبطش في وش العربية خبط في المراية".
وأكمل أحمد جمال: "لما الراجل اتخبط في المراية وقع، والعربية اللي جايه بعدي خبطته، ودا طريق سريع وأنت قدامك حاجتين يا تفرمل وتحصل مصايب وراك يا تفادي الراجل وتمشي".
واختتم أحمد جمال حديثه: "الراجل الحمد لله تمام وأنا ممشيتش غير لما اطمنت عليه".
يذكر أن آخر أغنية طرحها أحمد جمال كانت "في بيتها".
أغنية "في بيتها" كلمات أحمد جابر وألحان محمد شحاتة وتوزيع وسام عبد المنعم.
وتقول كلمات الأغنية:
وهخسرك اكيد ده انسب اختيار
مش واخده بالك ان انا عديت كتير
وكل مره بقلب الموضوع هزار
