كتب - محرر الاقباط متحدون
قال المفكر والطبيب خالد منتصر :" البرص والحداية والكلب الاسود والغراب !!طب ليه اتخلقوا من الأصل،إذا كنا مأمورين دينياً بقتلهم؟!!وليه سيدنا نوح خد من دول الذكر والأنثى ماداموا على هذه الدرجة من السوء؟! .
مضيفا عبر صفحته الرسمية على فيسبوك :" واذا كان الجد الكبير للبرص نفخ النار على سيدنا ابراهيم وولعها وشعللها شعللها ايه ذنب الحفيد ..ايه ذنب الحفيد ايه(بصوت ورده)؟؟!وليه يتكتب لي حسنه بعد ما اضربه بالشبشب الزنوبة؟! ، يعني أبقى مرتشي وكداب وبمجرد ضربة للبرص آخد حسنة وادخل الجنة؟! ، وزعلانين ليه من الغراب والكلب اللي لونهم اسود، هو مين اللي خلقهم لونهم اسود ؟؟!.
وتابع :" ده انت لما تيجي تشتري عربية مرسيدس بتقول الاسود سيد الألوان وبتدفع نص مليون زياده عشان الاسود؟؟! عايز تتشائم يا صديقي من لونهم ..حقك بس ما توصلش لدرجة القتل !!!مجرد أسئلة ساذجة.
