د. أمير فهمي زخاري المنيا
مبقتش قادر من تقل رجليك والورم المفاجئ فيها 😞
لا عارف تستمتع بجو الصيف، ولا تقعد مرتاح شوية من شدة الألم والوجع اللي فيهم 😔
تفتكروا إيه سبب تورم الساقين والقدمين! 🤔
لتورم الساقين والقدمين عدة أسباب مختلفة زي:
♦الإصابة بتجلط في الدم:
لما بيحصل تجلط في عروق الساقين.. بيتوقف تدفق الدم وسريانه من الساقين إلى القلب، وطبعا بيسبب في تورم الساقين، وممكن تكون الجلطات سطحية أو عميقة.
♦الإصابة بالقصور الوريدي:
وده بسبب وجود صعوبات في وصول الدم من الساقين إلى القلب.. واللي بينتج عنه عدم تدفق الدم ف اتجاهه الصحيح وبيحصل خلل في صمامات الأوردة وبيؤدي إلى تسرب السوائل إلى أسفل الساقين.
♦حدوث تضخم في الأوعية الليمفاوية: والليمف هو سائل غني بالبروتين، وبيتجمع تحت الجلد في حال حدوث مشاكل في الأوعية أو الغدد الليمفاوية وبالتالي هيعمل على تورم الساقين.
♦الحمل:
من أكثر الأسباب المعروفة تورم الساقين عند المرأة الحامل، ووجود نسبة عالية من البروتين في البول، وبيظهر الورم بعد عشرين اسبوع من الحمل.
♦الإصابة بأمراض الكلى، القلب، والكبد:
-عند وجود ورم في الكاحلين، فده بيدل على ضعف أداء القلب، ووجود مشاكل في الكلى؛ لتراكم السوائل في القدمين.
- الإصابة بمشاكل في الكبد:
بيؤدي إلى حدوث مشاكل في إنتاج الألبيومين، وبالتالي تسرب السوائل إلى الأوعية الدموية والخلايا وتراكم السوائل في القدمين والكاحلين مسببا تورمهما.
♦الإصابة بالعدوى: فالمرضى اللي بيعانوا من الأمراض العصبية في القدمين أو اعتلال الأعصاب أو مرض السكر، هم أكتر الأشخاص المعرضين للإصابة بعدوى القدم.
♦تعرض القدم للإصابات: زي الإصابة بإلتواء الكاحل واللي بيسبب تمزق الأربطة اللي بتمسك الكاحل.
♦ضعف وقصور كفاءة عضلة القلب:
ووقتها القلب مش بيكون عنده الكفاءة لسحب الدم من الساقين، وبالتالي بيتجمع الدم بالساق ويحدث التورم.
صحتكم غاليه علينا...تحياتى.
د. أمير فهمي زخاري المنيا
