كتب - محرر الاقباط متحدون
خيم الحزن على مواقع التواصل الاجتماعي لوفاة شابة تدعى مارلين مجدي سعد، وضجت هذه المواقع بمنشورات حزينة عن موت الاصدقاء، نستعرض بعضها :
-مع المسيح يا صديقتي
تعزيااات السما لأسرتك
مارلين سافرت السما
-مفيش كلام يتقال
غير ان الرب صالح
هنتقابل في السما وقريب جدا
-مالحقناش يامارلين والله، الوقت معاكي كان خفيف شبه وجودك في الدنيا حدث فوق استيعابي ... ربنا يرحمك ويصبرنا على فراقك.
-ماقولتيش حتى سلام
هتوحشيني يا مارو
-انا مش مصدق ازاى حد كان معايا فترة كبيرة و كذا مشروع و عرفتها معرفة شخصية و كدا فجأة اسمع خبر وفاتها انا مصدوم و مش مستوعب الموضوع و عشان بقالى اكتر من سنتين مشفتهاش كنت بأأمل فى يوم اشوفها أو حاجة يعنى كانت واحشانى و هتفضل واحشانى و فعلاً البنت كانت فى حالها جدا و عمرى ما شفتها بتغلط و محترمة جدا فعلاً هى هتكون عروس للمسيح و ربنا يعزى اهلها و كل صحابها و نتقابل فى السماء.
- انا لله وانا اليه راجعون ربنا يصبر اهلك يا مارلين ويرحمك يارب.
-مارلين قلبي اتكسر يا مارلين مش عارفة ازاي ده حصل ومش فاهمة لحد دلوقتي أن الناس بتكلمنا تعزينا فيكي انتي يا مارلين، مارلين انا لما بفكر فيكي بفتكر حياتي كلها اكتشفت أن مفيش حاجة واحدة عملتها في حياتي الا وانتي كنتي معايا فيها، انتي اختي وصاحبتي وكل حاجة ليا طيب تعرفي يا مارلين اني عمري ما طلبت من ربنا اخت بنت عشان انتي موجودة كنت بطلع بحكيلك علي كل حاجة، واي حاجة تحصل استني سهرتنا كل يوم عشان نتكلم مع بعض الناس عمالة تقولي اتشددي وامسكي نفسك وهما مش عارفين انك انتي اللي بتسنديني اصلا فاكرة لما جيتي معايا عزا تيتا ف المنوفية وفاكرة لما جيتي معايا امتحان الادب يوم وفاة ماما ام بيتر وفضلتي واقفة علي رجلك اكتر من ساعة مع انك كنتي تقدري تقعدي ومواقف وحكايات ياما ، في حاجات كتير اوي يا مارلين كنا لسة هنعيشها مع بعض سبتينا بدري اوي وقلوبنا متكسرة، انتي مش بس هتوحشيني لأ ده حياتي وانتي فيها هي كمان هتوحشني لأني مش عارفة الدنيا هيبقي شكلها ازاي بعد كدة. سامحيني يا مارلين انا طلبت من ربنا اول السنة ديه اني اشوفك عروسة وربنا استجاب علي فكرة ولكن بطريقته هو هيوحشني صوتك وضحكتك الحلوة وعينيكي ربنا يصبر قلوبنا ويبرد النار اللي فيها يا بختك بالسما ويابخت كل اللي عرفك واتكلم معاكي.
-مع المسيح يا صديقتي
تعزيزات السما لأسرتك
مارلين سافرت السما
ليس هو موتا لعبيدك بل انتقال
وتودع جمعية خلاص النفوس ببهتيم على رجاء القيامة الابنة الغالية/ مارلين مجدي سعد مُصلين أن يرسل الرب تعزية خاصة للأسرة ولكل العائلة.
مضيفة في بيان :"حفل الوداع غدًا الساعة ١٠ص بكنيسة الايمان عزبة العرب والعزاء بقاعة الكنيسة الساعة ٦م.
