كتب - محرر الاقباط متحدون
قال المفكر والطبيب خالد منتصر بعد وفاة عدد كبير من الحجاج المصريين في السعودية :" ليه المصري بالذات هو اللي بيصر على الصيام وهو عنده السكر والكبد مهما نصحوه الدكاتره،وهو الوحيد برضه اللي بيعتبر الحج عملية انتحارية،ويسافر مزوغ في عز الحر وعنده ٨٠ سنه عشان يموت هناك !! ويقولوا له حسن الخاتمة ،وكأن أبو لهب مات في كوبا!،وكأن اللي يموت في مصر ده كفر والعياذ بالله!.
مضيفا عبر حسابه على منصة (اكس)، :" ايه كم الهوس الديني الرهيب اللي بقى في مصر ده،وتحس معاه اننا في حفلة زار باتساع الوطن !!جروبات الواتس اب بقت دروشه،حتى فيديوهات الطبيخ و البرامج الطبية بقت دروشه !!احنا ايه اللي حصل لنا ؟!،مع ان يوسف السباعي في رواية أرض النفاق ما جابش سيرة حبوب الدروشة .
