محرر الأقباط متحدون
استنكر الدكتور خالد منتصر الكاتب والمفكر، تصريحات الإعلامي محمود سعد بأنه تمني الموت أثناء رحلة من المدينة المنورة إلي مكة.
وقال محمود سعد عبر قناته على يوتيوب تعليقا علي وفاة أكثر من 600 حاج مصري بالسعودية: "المرة الوحيدة اللي تمنيت فيها سقوط طائرة كنت أنا على متنها.. كنت رايح من المدينة لمكة ومحرم وصايم وليلة 27 رمضان".
وتابع "سعد": "لسه خارج من عند سيدك النبي ورايح الكعبة فقولت يااه لو الطيارة تقع، هتبقى حاجة تحفة وأموت شهيد.. بس موقعتش".
وقال منتصر عبر حسابه علي فيسبوك: "عرفتم ثقافة الموت اللي خلت 600 حاج يروحوا ينتحروا في درجة حرارة خمسين جايه منين؟!
وتابع: الثقافة اللي خلتهم يتساقطوا في الشوارع بعد رحلة سير وتوهان خمسين كيلو، لمجرد ان كل واحد فيهم عايز يموت شهيد زي محمود سعد ما بيقول وبيتمنى بس المهم يموت هناك وخلاص !
وطالب بتشجيع ثقافة الحياة لا ثقافة الموت قائلا: "شجعوا ثقافة الحياة والعمل والعلم وبطلوا دروشة وتغييب للناس، شجعوا الدين الضمير مش الدين الطقوس، شجعوا الناس تكمل حياتها في فرح وبهجة مش في كآبة وغيبوبة
وأختتم وفي النهاية كفاية تجارة بالدين تعبتونا سواء لابسين عمائم وجبه وقفطان أو لابسين جينز وتيشيرتات.
