بقلم جُورج حَبيب
يا اللي مِفكر الدُنيا دي غَابة
فِيها وِحُوش بِتلف وفَتَاكة
وإنت وغيركَ عَايشين خَايفين
ولاَ نوم ولا رَاحة فِيها لاَقيينْ
تِفَكروا وِتفَكروا وِبالهَم قَاعدينْ
فَارِقُكم نُومكم ودايماً سَهرانين
وِجري هنا وجرِي هناك وِمَذعُورين
وليلكم نَهاركم ونَهاركم ليلكم مِتلخبَطيِن
فَاقدين سَلامكم وفي الغَابة تَايهين
وِتشكِي لفلاَن وِفلاَنه تلاقيهم هَربَانين
والاب والام مِنكم بقوا زَهقانين
شَكاوي وشَكاوي عَلي طُول مِرددين
وِنسيتم ولاد مِين إنتم يا غَاليين
وِوحوش إيه دول دَا قُدامه هَاربين
بُصوا علي التاريخ خَليكم فَاكرين
كل الظَالمة جَميعهم خَلاهُم هَالكين
وِبتوع الخِطط بِخطَطَهم كَانوا فَاشلين
يبقي تَثقوا في إلهكم يا غَاليين
وإعرفوا قُوته وصَلوا ضَارعين
وفي لَحظة عين وإنتبَاهها تلاَقوا تَغيير
وكَم سِنين عَدت وهَو سَندكم في الضِيق
سيبكم من الهَمْ ودايماً كونوا فَرحَانِين
وصَباحكُم فُل وَوَردة للكُل وِعُود يَاسمين
