كتب - محرر الاقباط متحدون
قال الفنان مراد مكرم :" طول عمري من وانا صغير كان عندي فضول و اندفاع،ما بقلبش الكلام في بقي قبل ما اقوله، وانا صغير ،في ثانوي في المدرسه ،كان عندنا مدرس عجوز اوي فوق الثمانين سنه اسمه موسيو زنانيري.
مضيفا عبر حسابه على فيسبوك :" ماكانش راهب بس ما كنش متجوز،كان بيخرج مسرحية انا بمثل فيها فقاعد بتكلم معاه و كعادتي و حب استطلاعي ،قلتله هو حضرتك ماتجوزتش ليه؟ رد عليا رد عمري ما هنساه،قالي "الي حبتهم ما حبونيش و الي حبوني ما حبتهمش..".
وتابع :" سنين طويله عدت وعمري ما نسيت الجمله دي.....انت ممكن تقضي عمرك بتحب ناس ما بتحبكش و ناس تانيه بيحبوك انت مش بتحبهم،ويعدي عمرك من غير حب حقيقي.
