كتب - محرر الاقباط متحدون
اثار الفنان محمد رمضان ضجة كبيرة بصفعه لشاب بأحد منتجعات الساحل الشمالي، قبل ان يرد الشاب الصفعة للفنان، وسط حالة من ذهول معجبي رمضان.
شاهد على المشادة روى لـ"العربية" تفاصيلها وقال :" في مراسي كنا إمبارح بالليل كنت قاعد فطبعا محمد رمضان ظهر، فمعجبين كتير بدأنا نتصور معاه.
وتابع :" انا شخصيا اتصورت معاه فيديو سيلفي، وقالي ايه اخبارك عامل ايه.
وواصل :" كان شخص لطيف جدا وانا معجب بيه جدا وهو فناني المفضل بصراحة، وكنت مبسوط اني شفته .
موضحا :" فجأة حد ظهر وقال لفظ خارج وحصلت مشادة بينهم بالايد، وهو فعلا كان عاوز ياخد منه الموبايل.
كما اوضح :" الشخص ده جه جنبه ووقف جنبه وقال له كلمة يعني مش شتيمة بس هو زي تريقة كدة قاله محمد حمضان، وبعدين لقيتهم في مشادة بالإيد بينه وبينه.
وتابع :" لقيته بيقوله هات الموبايل، وانت اسمك ايه.
لافتا :" هو خدها في الاول بهزار قبل المشادة دي، يعني هو قاله اللفظ ده، طبعا محمد رمضان قاله انت اسمك ايه يا حبيبي، قاله اسمي كذا.
وتابع موضحا :" بعدين شد الكاب بيهزر معاه، فالتاني قاله انت بتقول ايه، قاله انا بقول كذا محمد حمضان، بيكررها تاني، بعدها حصل مشادة بالإيد.
وتداول رواد المنصات الاجتماعية فيديو الواقعة وعبروا عن رفضهم لتصرف الشاب وكذلك تجاه ردة فعل محمد رمضان.
وكتب هاني :" بصوا ..هو انا مش بحب محمد رمضان ولكن فى هذا الموقف عنده حق والولد قليل التربية بل وعديم التربية ويستاهل 30 قلم مش قلم واحد .
ومن بين التعليقات :" شاب قليل الادب اي انسان محترم بيتصرف زي محمد رمضان.
-طيب هو راح يتصور معاه ليه اصلا لما هو هيتريق عليه ما طبيعي اي حد هيقفش وهيدي رد فعل لما يلاقي واحد بيتريق عليه قدامه !.
- يعني ايه يغلط فيه ويقوله محمد حمضان وعايز يتصور معاه يستاهل 100 قلم كمان عشان ما نعملش صياح وجدال من ما فيش هو عشان فنان يبقى يتشتم ويسكت ؟.
-الواد هو الي تجاوز بتغلط فيه و تشتمه عايز تتصور معاه ليه بقا ايه البحاحه دي.
-بص بعيد انك بتحبه او بتكرره بس الراجل مكلمكش انت الي عملت فيديو وانت بتقولو محمد حمضان يعني انت الي رايحلو الناس سابت الواد ومسكت فيه مع انو معملوش حاجه يعم مبتحبوش متتصورش معاه.
-الواد بيصورو من ضهره وبيقول الفنان محمد حمضان عشان كدا رمضان عمل كدا.
-الولد قليل الادب شتمه بلفظ خارج وهو بيتصور معاه فيديو ما طبيعي يضربه محمد من ارقى الناس مع جمهوره.
-الواد قليل الادب و محتاج يتربي وانا لو مكان محمد رمضان اديله ٦٠ قلم.
-برغم اني مش بحب محمد رمضان بس الواد قليل الادب هو قال إنه لما طلب من محمد رمضان يتصور معاه رحب قام وهو بيتصور قال محمد حمضان ليه قلة الذوق دي لا رجولة ولا جدعنة.
