محرر الأقباط متحدون
شهد سعيد .. أكدت شهد سعيد لاعبة الدراجات، إنها لم تتعمد إصابة زميلتها جنة عليوة خلال سباق الجمهورية للدراجات.
قالت شهد سعيد خلال لقائها ببرنامج "على مسؤوليتي": "لو حصل العكس وشهد هي اللي خبطتني والله ما كنت هعمل حاجة، اول ما تيجي تعتذر لي خلاص".
واستشهدت شهد باللاعبة الدراجات ابتسام زايد فيما حدث أمر طبيعي بسباق الدراجات قائلة: "واحدة وقعتها ابتسام من فوق جبل وجالها كسر في الترقوة وكانت هتموت بجد ولا عملت أي حاجة؛ أصل ده وارد في الدراجات ليه هبقي متعمدة اعمل كده؟".
وأضاف: "أنا عارفة الناس مش عايزاني أمثل مصر ولكن هما ظالميني، هما سمعوا من طرف واحد أنا مش متعمدة وليه هبقي متعمدة، الحكم قال عمد ولكن انا ليه هبقي متعمدة".
وتابع: "أنا مش عايزة ألعب عجل تاني؛ هما مش عايزيني أمثل مصر مش هروح الأولمبياد؛ استجابة لطلبات الناس ورغباتها؛ وأنا لو من جوايا متعمدة هبقي مش مضايقة زي دلوقتي، إحنا دلوقتي ماشيين بالسوشيال ميديا أي حد عايز ينتقم من حد بيبقي عن طريق السوشيال ميديا".
